20 sáýir men 20 maýsym aralyǵynda respýblıka kóleminde "Zorlyq-zombylyqsyz Qazaqstan" atty keń aýqymdy chellendj-fleshmob túrindegi aksıa ótip jatyr, - dep habarlaıdy aqshamnews.kz.
Onyń maqsaty – qoǵam nazaryn otbasylyq-turmystyq zorlyq-zombylyq máselesine aýdarý, otbasyndaǵy ózara syılastyq pen qoldaýdy nasıhattaý jáne ishki ister organdaryna degen qoǵamdyq senimdi nyǵaıtý.
Zorlyq-zombylyqsyz Qazaqstan — búkil eldi qamtıtyn aksıa.
Osy bastama aıasynda Túrksib aýdany polısıa basqarmasynyń turmystyq zorlyq-zombylyqqa qarsy bólimshesiniń ınspektorlary “Jan-Saıa” jáne “Maksat” daǵdarys ortalyqtaryna bardy.
Polısıa qyzmetkerleri ortalyqta qyzmet alýshylarmen kezdesý ótkizip, qajet bolǵan jaǵdaıda kómekke júginý múmkindigi týraly eske saldy, sonymen qatar ýaqytyly áreket etýdiń jáne qoldaýdyń mańyzdylyǵyn atap ótti.
Jergilikti polısıa qyzmeti bóliminiń basshylyǵy atynan analar men balalarǵa jemister, táttiler jáne basqa da syılyqtar tabystaldy.