Bul týraly budan buryn da habarlaǵanbyz.
"Halyq zańgeri" aksıasy aıasynda qazaqstandyqtarǵa zańgerler men memlekettik organ ókilderi tegin keńes beredi, dep habarlaıdy Almaty-akshamy.kz
"Halyq zańgeri" keń aýqymdy respýblıkalyq aksıasy 30 mamyrda elimizdiń barlyq qalalary men eldi mekenderinde bir ýaqytta ótedi. Barlyq quqyq salasynyń jetekshi mamandary azamattardy qabyldap, túıtkildi suraqtarǵa jaýap beredi.
Kez kelgen adam tegin zańgerlik keńes alyp, úkimet ókilderimen tikeleı baılanysa alady. Azamattardy qabyldaý merzimi shektelmeıdi, ol sońǵy kelýshige deıin jalǵasady.
Aksıaǵa kásibı zańgerler, sonyń ishinde tájirıbeli, bedeldi zańgerler, notarıýstar, prokýrorlar qatysady. Sondaı-aq, tergeýshilerge, sot oryndaýshylaryna, polısıa qyzmetkerlerine, kámeletke tolmaǵandarmen jumys isteıtin qyzmetkerlerge, ádilet organdaryna, kóshi-qon polısıasyna, bank ombýdsmenine máseleńizdi aıta alasyz. Qabyldaýdy jaýapty basshylyq qyzmetterdi atqaratyn ÚEU men memlekettik organdardyń ókilderi júrgizedi.
Kirý jáne keńes alý tegin. Tolyq jáne naqty usynystardy alý úshin ózińizben birge is boıynsha qujattardy alyp kelýińiz kerek.
30 mamyrda Qazaqstannyń barlyq qalalary men eldi mekenderinde "Halyq zańgeri" respýblıkalyq aksıasy bastalady.
Elimizdiń árbir turǵyny mamandardan tegin keńes ala alady. İs-shara ótetin oryndardyń mekenjaılary siltemede kórsetilgen.
Respýblıkalyq mańyzdy 3 qalada mamandarmen myna mekenjaılarda keńes alýǵa bolady:
Astana
Ál-Farabı atyndaǵy Oqýshylar saraıy: Baýyrjan Momyshuly dańǵyly, 5 úı.
(17:00-de bastalady)
Almaty
Caspian University (Kaspıı ýnıversıteti): Dostyq dańǵyly, 85a.
(17:00-de bastalady)
Qonaev atyndaǵy ýnıversıtet: Qurmanǵazy kósh.107.
(17:00-de bastalady)
Shymkent
Arbat: Beıbitshilik dańǵyly, 4-6 úı.
(16:00-de bastalady)
İs-shara Qazaqstan Respýblıkasy Úkimetiniń qoldaýymen ótedi, uıymdastyrýshylary – Qazaqstan Respýblıkasy Sybaılas jemqorlyqqa qarsy is-qımyl agenttigi, Qazaqstan Respýblıkasy Ádilet mınıstrligi, Zakon.kz ınternet-basylymy, Paragraf aqparattyq júıesi, Respýblıkalyq zańgerler koleji, memlekettik organdar, Qazaqstannyń úzdik zańgerleri men advokattary.
Uıymdastyrýshylar "Halyq zańgeri" respýblıkalyq aksıasy aıasyndaǵy barlyq keńester múldem tegin beriletinin taǵy da eske salady. Bul azamattyq qoǵamdy damytýǵa, quqyqtyq kómek kórsetýge jáne qazaqstandyqtardyń quqyqtyq saýattylyǵyn arttyrýǵa qosylǵan úles.
Al sharaǵa qatysa almaıtyndar úshin Zakon.kz arnaıy chat-botyn iske qosty. Onyń kómegimen sarapshylarǵa azamattardan suraqtar qabyldanady. Biraq suramas buryn, óz qalańyzdy kórsetińiz.
Qazirdiń ózinde qazaqstandyqtardy qyzyqtyratyn úlken kólemdegi aqparat kelip tústi, ony mamandar óńdep jatyr.
Azamattardyń túrli saýaldary bar. Bireýler azamattyq is boıynsha, bireýler qylmystyq is boıynsha keńeske muqtaj. Kóptegen qazaqstandyqtardyń turǵyn úı zańnamasyna qatysty sheshimin tappaǵan máseleleri bolsa, basqalarynyń eńbek, bank, jer jáne salyq zańnamasyna qatysty suraqtary bar. Bireýlerdi otbasylyq-nekelik qatynastar máseleleri qyzyqtyrady, basqalary - muragerlik, jyljymaıtyn múlik, aıyppuldar, bilim berý, nesıe, kıberbýllıng jáne taǵy basqa daýly máseleler. Kóbinese adamdar quqyqtyq janjal týyndaǵan jaǵdaıda ózin qalaı qorǵaý kerektigin, neden bastaý kerektigin bilmeıdi, bul jerde "Halyq zańgeriniń" kómegi baǵa jetpes.
30 mamyrǵa deıin mamandarǵa chat-botta óz suraǵyńyzdy qoıý múmkindigin jiberip almańyz, onda siz mindetti túrde saýatty jaýap taba alasyz.