Árbir tulǵa balalyq shaǵy boldy. Al bala qashanda este qalarlyq sát. Endeshe biz biletin tanymal tulǵalardyń balalyq shaǵy jaıly qyzyqty derekter:
Fızık-teoretık, qazirgi fızıkanyń negizin salýshylardyń biri Albert Eınshteın de sabaqty nashar oqyǵan. Onyń ata-anasy tanystaryna balasynan bolashaqta esh úmit kútpeıtinderin aıtqan. “Eń bolmasa ózin-ózi asyraı alatyn jumys tapsa, jaqsy bolar edi...” dep ulynyń keleshegine alańdaǵan kórinedi.
***
Ulybrıtanıanyń beldi de bedeldi qaıratkeriniń biri Ýınston Cherchıll matematıkadan túkke túsinbeıtin, sabaqty oqymaıtyn oqýshy bolypty.
***
Múltımıllıoner, “Virgin Group” korporasıasyn qurýshy Rıchard Brenson eki sózdiń basyn qurap aıta almapty. Taqtaǵa shaqyrǵan saıyn kekeshtenip, qyzaryp shyǵa keledi eken.
***
Orys aqyny Vladımır Maıakovskııdiń de sabaq úlgerimi nashar bolǵan. Jaman oqyǵany sonshalyq – “Anna Karenınany” sońyna deıin oqyp bitpegen. Elge tanymal aqynnyń ol jaǵyn óskeleń urpaqqa bildirtpeý úshin eshkim aýyz ashpaǵan. Bul Keńes odaǵynyń jazylmaıtyn bir zańy edi.
***
Praktıkalyq kosmonavtıkanyń negizin qalaýshy, ǵalym, konstrýktor, “Vostok”, “Vosqod” ǵarysh korablin ushyrýshy Sergeı Korolev mektepte sabaqty “úshke” oqyǵan.
***
Anton Chehov gımnazıada oqyp júrgende eki ret ekinshi jylǵa qalypty. Biraq onysyna qaramaı, dáriger de, ataqty jazýshy da boldy. Aqyn Aleksandr Pýshkınniń de oqý úlgerimi nashar bolypty. Arıfmetıka sabaǵynda esep shyǵara almaı, jylap otyrady eken. Ataqty orys hımıgi Dmıtrıı Mendeleev te sabaq oqyp jarytpapty. Tek matematıka men fızıkaǵa ǵana kóńil bólgen.
***
Ýnıversıtette oqyp júrgende Lev Tolstoı emtıhandardan “bir” degen baǵa alǵan. Biraq onysyna qaramaı, “Álippeniń” avtory boldy. Mektep ashty, álemge belgili “Anna Karenına” men “Soǵys pen beıbitshilik” shyǵarmalaryn jazdy.
***
Reseı Federasıasynyń birinshi prezıdenti Borıs Elsın 7-synypqa deıin jaqsy oqyǵan. Al 7-synyptan keıin tártibi úshin mektepten qýylǵan. Al Reseı eliniń prezıdenti Vladımır Pýtın mektepte basqa oqýshylarǵa qaraǵanda jaqsy tóbelese bilgen. Oǵan nemis tilin oqý qıynǵa soqqan. Biraq ol keıin nemis tilin jaqsy meńgerip ketedi.
***
Besikten beli shyqpaı jatyp álemge tanylǵan ýkraın qyzy Nıka Týrbına 4 jastan bastap óleń jazǵan. 9 jasqa tolǵanda Máskeýden onyń alǵashqy kitaby jaryq kórdi. Kitapqa alǵy sózdi jazǵan aqyn Evgenıı Evtýshenko bolatyn. Týrbına Venesıada ótken festıválde bas syılyqty jeńip alady. BAQ ókilderi “talantty kishkentaı qyz” týraly qadaý-qadaý maqalalar jaza bastaıdy. Alaıda 16 jasqa tolǵanda, onyń aty-jóni burynǵydaı esh jerden kórine bermeıdi. Oqyp júrgen Ádebıet ınstıtýtyn da aıaqtamaı, orta joldan tastap ketedi. Daryndy qyz birneshe ret alkogólden emdeledi. Sóıtip, eshkimge keregi joq aqyn qyz 27 jasynda óz-ózine qol jumsaıdy.
***
AQSH turǵyny Krıstofer Langan tórt jasynda tili shyǵyp, alty jasynda kitap oqıdy. Sonymen qatar, mektepte barlyq pánnen ylǵı “bestik” alady. Biraq ýnıversıtetke túsken soń, “men profesorlardanda kóp bilemin” degen jeleýmen ony tastap ketedi. Sodan keıin onyń aty óshedi. 1999 jyly bir kezderi gazet betinen túspeıtin Krıstoferdi jýrnalıser taýyp alady. “AQSH-taǵy eń aqyldy bala” qazir bir provınsıada turady. Ormanshy bolyp jumys isteıdi eken.