Shomylý maýsymy jyl saıyn 1 maýsymnan bastalady. Bul týraly Óńirlik komýnıkasıalar qyzmetiniń brıfıńinde Almaty qalasy Tótenshe jaǵdaılar departamenti azamattyq qorǵanys basqarmasynyń bastyǵy Ánýar Iýsýpov málimdedi, dep habarlaıdy almaty-akshamy.kz
Almaty qalasy ákimdigimen sýda jappaı demalýǵa arnalǵan 4 oryn anyqtaldy:
- Saıran kóliniń batys jáne shyǵys bóligi;
- D.Qonaev atyndaǵy ÚAK boıyndaǵy «Gúlder» demalys aımaǵy men «Baým toǵaıy» jaǵajaıy.
«Alaıda Saıran kólinde irgeles aýmaqty abattandyrý júrgizilýde, jumystardy aıaqtaý 2025 jyldyń mamyr aıynda josparlanǵan. D. Qonaev atyndaǵy Úlken Almaty kanalyn gıdrotehnıkalyq qurylystarmen kúrdeli jóndeýge baılanysty aǵymdaǵy jyly kanaldy sýmen toltyrý jospary joq», - dedi Ánýar Iýsýpov.
ÓKQ spıkeri atap ótkendeı, jazǵy demalys kezeńinde qaýipsizdik mádenıetin arttyrý maqsatynda bilim basqarmasymen birlesip qala mektepteri arasynda «Qaýipsiz sý» qaýipsizdik aksıasy ótkizildi (jospar bekitildi), oǵan sáıkes barlyq oqýshylar arasynda esse, sýret, qabyrǵa gazetteri konkýrstary, taqyryptyq syzǵyshtar, sondaı-aq «Qaýipsiz sý» taqyrybynda synyp saǵattary ótkizildi.
Sýdaǵy jazataıym oqıǵalardyń aldyn alý maqsatynda Departament polısıa qyzmetkerlerin, RJQJ qutqarýshylaryn, sondaı-aq eriktilerdi tarta otyryp, reıdtik is-sharalar ótkizedi.
Qazirgi ýaqytta Departament BAQ arqyly úgit-nasıhat jumystaryn júrgizýde, barlyq bilim berý, densaýlyq saqtaý obektilerinde, adamdar kóp jınalatyn oryndarda (SOO, SÚ, HQKO, vokzaldar, metropolıten, kınoteatrlar), sondaı-aq Almaty qalasynyń joldary boıynda ornalasqan smartbordtar men LED-ekrandarda beınerolıkter kórsetilýde.
Sonymen qatar, shomylý maýsymy aıaqtalǵanǵa deıin kúnine eki ret memlekettik jáne orys tilderinde «AspanFM», «Eýropa Plús Qazaqstan» jáne «Narodnoe radıo» radıoarnalarynda «Sýdaǵy qaýipsizdik erejeleri» taqyrybynda aýdıojazbalar taratylady, «Almaty tv» arnasynda kún saıyn «Sýdaǵy qaýipsizdik erejeleri» taqyrybynda beınerolık kórsetiledi.