Olar erekshe qamqorlyqty qajet etetin jandarǵa kómektesip, tabıǵatty taza ustaýǵa óz úlesterin qosýda.
Bul týraly Ulttyq eriktiler jelisiniń óńirlik ortalyqtarmen birge ótken kezdesýinde aıtyldy. Qazir elimizde qaıyrymdy ispen aınalysatyn 160 myńǵa jýyq azamat bar, dep habarlaıdy Almaty-akshamy.kz.
Olar jergilikti jobalarmen birge halyqaralyq is-sharalarǵa da belsendi atsalysyp júr. Uıymdastyrýshylar volonter bolǵysy keletin kez kelgen adam osy uıymǵa tirkele alatynyn aıtady.
«Bizdiń negizgi maqsat - bul jerdegi osy elimizdegi volonterlik baǵytty keńinen nasıhattap, barlyq salalaryn tolyǵyraq damytý. Elimizdiń ár segizinshi azamaty volonterlikpen aınalysady. Bul volonterlik deıtin turaqty bir jumys emes kezekte turatyn nemese belgili bir oqıǵalar jasap otyratyn. Kez-kelgen adam ártúrli oqıǵada óziniń ýaqyty bolǵan kezde qatarymyzǵa qosylyp jatady», - deıdi Ulttyq volonterler jelisiniń atqarýshy dırektorynyń orynbasary Aıbek Dosymbekov.