Ósim ótken jyldyń sáıkes kezeńimen salystyrǵanda 23% joǵary boldy.
Qazaqstandyq avtobıznes qaýymdastyǵynyń deregine súıensek, otandyq avtoóndiriste eshqandaı irkilis bolǵan joq. Degenmen álem elderi qajetti bólshekter jetkizilimi boıynsha birqatar kedergilerge tap kelgeni ras. Soǵan qaramastan, jyl basynan beri respýblıkada 799 mıllıard teńgeden astam somaǵa kólik shyǵaryldy, dep habarlaıdy Almaty-akshamy.kz Jjtv.kz saıtyna silteme jasap.
Buǵan qosa, 2022 jyldyń sońyna qaraı taǵy ózge kólik quraldary paıdalanýǵa beriledi dep josparlanyp otyr. Onyń aýqymy kem degende 7% shamasynda boldy. Ázirge bul tek boljam. Al birinshi kezekte árıne jeńil avtokólikter óndirisi tur. Olardyń sany ótken jylmen salystyrǵanda 30% artqan. Barlyǵy 71 myń kólik ıesin tapty.
Negizinen avtoóndiristiń aýqymdy úlesin Qostanaı oblysy berip otyr. Aımaqta jyl basynan beri 48 myń dana jeńil, júk kóligi men avtobýs qurastyryldy. Al Almaty qalasyndaǵy zaýytta 26 myń kólik jasalyp, ıesine tabystalǵan. Semeı qalasynda - 1600 kólik qurastyrylsa, Kókshetaý 900 shaqty júk kóligin satylymǵa shyǵardy.