Bıyl baıqaýǵa 5,5 myń pedagog ótinim berdi.
«Úzdik pedagog-2022» respýblıkalyq baıqaýynda 64 muǵalim jeńimpaz atandy, dep habarlaıdy Almaty-akshamy.kz.
Saltanatty marapattaý rásiminde Oqý-aǵartý mınıstri Asqat Aımaǵambetov mektepter men kolejderdiń úzdik muǵalimderine aqshalaı sertıfıkattar men tósbelgiler tabystady.
«Bıyl baıqaýdyń birqatar ereksheligi boldy. Birinshiden, buryn konkýrsqa qatysýshyny mektep dırektory usynatyn. Qazir ár pedagog óz kandıdatýrasyn usyna alady. Ekinshiden, áriptesterimiz ótinimderiniń qandaı kezeńde turǵanyn, qansha bal alǵanyn qadaǵalaı aldy. Bıyl baıqaýǵa 5,5 myń pedagog ótinim berdi. Olardyń ishinen 120 pedagog iriktelip alyndy», dedi Asqat Aımaǵambetov.
Onyń aıtýynsha, pedagogter elordaǵa kelip, ózderiniń ashyq sabaqtaryn kórsetken. Sonyń qorytyndysynda jetekshi ádiskerler eń úzdik degen 64 ustazǵa daýys bergen.