Bıylǵy jyldyń sáýirinen bastap jumyskerler úshin mindetti áleýmettik medısınalyq saqtandyrý jarnalaryn aýdarý tártibi ózgerdi. Ózgerister uzaq merzimdik eńbek demalysyna shyǵatyn qyzmetkerlerge qatysty bolyp otyr. Demalys maýsymynda Medısınalyq saqtandyrý qorynyń Almaty fılıaly qyzmetkerlerdiń saqtandyrylǵan mártebesin joǵaltpaýy úshin MÁMS úshin jarnalar men aýdarymdardy qalaı durys jasaý kerektigin eske saldy, dep habarlaıdy almaty-akshamy.kz.
Aıtýlarynsha, uzaq merzimdik eńbek demalysynda bolatyn qyzmetkerlerge jarna tóleý tártibine ózgerister engen.
«Eńbek demalysynyń ýaqyty jaqyndap keledi. Elimizde 30-45-56 kúndik eńbek demalysyna shyǵatyn jumyskerler bar. Ókinishke oraı, jarna durys aýdarylmaýyna baılanysty uzaq merzimdik demalysta bolǵan mamandardyń statýstan aıyrylyp qalǵany ras. Osy olqylyqty retteý maqsatynda jarna tóleý tártibine ózgerister engizilip otyr. Mysaly, jumysker 1-shildeden 30-tamyzǵa deıin demalysta bolady delik. Mundaı jaǵdaıda MÁMS-ke tólenetin aýdarymdar men jarnalardy demalys ýaqytyna qaraı, ıaǵnı, bir aıǵa emes, eki aıǵa bólip aýdarý qajet», - dedi fılıal qyzmetkerleri.
Bul máseleniń medısına jáne bilim berý salasyna da qatysy bar. Byltyr jaz aılaryndaǵy demalys kezinde jarna aýdarylmaýy saldarynan qarasha aıynda statýstan aıyrylǵan dárigerler men muǵalimder medısınalyq kómek jaǵynan qıyndyqqa dýshar boldy. Týyndaǵan máseleni sheshý úshin Qor respýblıka boıynsha atalǵan salalarda eńbek etetin 189 myńnan astamǵa statýs berdi, onyń 16 myńy – Almaty turǵyndary.
Esterińizge sala ketsek, saqtandyrý mártebesin kelesi joldarmen tekserýge bolady:
Qoldau 24/7 mobıldi qosymshasy
fms.kz resmı saıty
Telegram-daǵy @SaqtandyrýBot
1414 baılanys ortalyǵy
Damumed mobıldi qosymshasy
Halyk mobıldi qosymshasy
BCC.KZ mobıldi qosymshasy
Kaspi.kz mobıldi qosymshasy
egov.kz elektrondyq úkimet saıty