Ulytaý oblysynda polısıa qyzmetkerleri iri kólemdegi marıhýana tárkiledi, dep habarlaıdy Aqshamnews.kz tilshisi Polisia.kz saıtyna silteme jasap.
Oblystyq PD esirtki qylmysyna qarsy is-qımyl basqarmasy arnaıy bólimshelermen birlesip, “Qarasora — 2025” jedel-profılaktıkalyq is-sharasy barysynda Jezqazǵan – Qyzylorda tas jolynda Mercedes-190 avtokóligin toqtatqan.
Tekserý kezinde kóliktiń júksalǵyshyndaǵy gaz jabdyǵynyń astynan skochpen oralǵan eki selofan qap tabylǵan. Onyń ishinen erekshe ıisi bar ósimdik tektes zat shyqqan. Saraptama qorytyndysy tárkilengen zattyń jalpy salmaǵy 15 keli bolatyn marıhýana ekenin rastady.
Tergeý derekterine súıensek, esirtki basqa óńirlerden ákelinip, keıin satý úshin josparlanǵan. Qara naryqtaǵy mundaı partıanyń baǵasy shamamen 3 mıllıon teńge shamasynda.
Esirtkini saqtaý jáne tasymaldaý kúdigimen 43 jáne 27 jastaǵy eki adam ustalyp, olarǵa qatysty QR Qylmystyq kodeksi boıynsha sotqa deıingi tergeý bastaldy.