Memleket basshysy bokstan Álem chempıonatynda top jarǵan boksshylardy quttyqtady, dep habarlaıdy Aqshamnews.kz tilshisi.
Qasym-Jomart Toqaev júldegerlerge aq tilegin arnady.
"Lıverpýlde ótken bokstan Álem chempıonatynda ulttyq quramanyń jeńis jolyn Alýa Balqybekova, Aıda Ábikeeva, Tórehan Sabyrhan, Natalá Bogdanova, Aıbek Oralbaı jalǵastyrdy. Qazaq boksshylary álem birinshiliginde keremet nátıje kórsetti. Áıtse de aldymyzda AQSH-ta ótetin Olımpıada oıyndary kútip tur. Soǵan qazirden bastap daıyndalý qajet. Qazaq boks mektebiniń mereıi árdaıym ústem bolsyn!" – dep jazdy Prezıdent Instagram paraqshasynda.Eske salaıyq, 14 qyrkúıekte bokstan Qazaqstan quramasy Lıverpýldegi birinshilikte on medal jeńip aldy, onyń jeteýi - altyn. Nátıjesinde otandastarymyz jalpykomandalyq esepte birinshi orynǵa jaıǵasty (jeti altyn, bir kúmis jáne eki qola).