Brıtan Keńesi arnaıy forým ótkizdi. Jobada - qos dıplom, birlesken ǵylymı yntymaqtastyq, qashyqtyqtan oqytý men dáriste sıfrlyq tehnologıalardy paıdalaný sıaqty baǵyttarǵa basymdyq berilgen.
Brıtan Keńesiniń CreativeSpark jáne InterLinks dep atalatyn granttyq baǵdarlamalary bizde sátti júzege asyp keledi, dep habarlaıdy Almaty-akshamy.kz.
Olar eki el arasynda 1,2 mıllıon fýnt sterlıńten astam ınvestısıany quraǵan 20-dan astam seriktestik ornatýǵa kómektesken. «Almatyda De Monfort ýnıversıtetiniń kampýsynyń ashylýy jáne Herıot-Ýatt ýnıversıteti men Jubanov atyndaǵy Aqtóbe aımaqtyq ýnıversıteti qos dıplomdyq baǵdarlamasynyń nátıjesin kórsetip otyr»,-deıdi uıymdastyrýshylar.
«Bul forýmda biz aldaǵy ýaqytta qalaı birlese jumys isteı alatynymyzdy talqylaýǵa jınaldyq. Qazaqstan men Ulybrıtanıa ýnıversıtetteri ózara seriktes. Biraq árqaısysy ár túrli deńgeıde, biri endi bastap jatsa, keıbiri birlesip istegen jumystyń naqty nátıjesimen bólisýge ázir. Stýdentterge qos eldiń dıplomyn berý jaǵyn jalǵastyrýdy da qarastyrylyp jatyr. Biz seriktestik modelin usynamyz, Qazaqstannyń ár óńirindegi oqý orny ózi tańdaı alady», - dedi Ulybrıtanıa joǵary bilim berý sapasyn qamtamasyz etý agenttiginiń qyzmetkeri Pırs Ýoll.