Alataý teatrynda alǵys aıtý kúnine arnalǵan merekelik konsert ótti
Almaty ákimi uıymdastyrǵan merekelik is-shara Alataý teatrynda boldy. Oǵan Almaty qalasy ákiminiń orynbasary Arman Qyryqbaev, qoǵam jáne mádenıet qaıratkerleri, Almaty qalasynyń QHA músheleri, sondaı-aq qala turǵyndary men qonaqtary qatysty. Merekelik keshte Roza Rymbaeva, Meırambek Bespaev, “Mýzart” toby jáne ózge de qazaq estradasynyń juldyzdary óner kórsetti.
- 1 naýryz alǵys aıtý kúni. Bul kúni Qazaqstanǵa 130 jýyq ult alǵys aıtady. Bul merekeniń mánin elimizdiń birtutastyǵyn kórsetip, birlik pen yntymaqqa shaqyratyn kún dep túsinemin. Jaqynda toǵyzqumalaqtan jarys ótkizdik. Oǵan qalanyń jan-jaǵynan kelgen balalar qatysyp, 1 qazaq jigit, 1 qyrǵyz qyz, 1 uıǵyr qyz birinshi orynǵa ıe boldy. Qazaqstan uıǵyrlarynyń respýblıkalyq etnomádenı ortalyǵynyń tóraǵasy retinde qazaq halqyna myń alǵys aıtamyn, - dedi Qazaqstan uıǵyrlarynyń respýblıkalyq etnomádenı ortalyǵynyń tóraǵasy Dolkýntaı Abdýhalıl.
