Qazaqstan azamattaryna Ýkraınany tastap shyǵý usynyldy.
Ýkraınadaǵy shıelenistiń kúsheıýine baılanysty Qazaqstannyń Ýkraınadaǵy elshiligi óz azamattaryna elden ketýdi usyndy.
«Qazaqstan azamattary Ýkraınadan Qazaqstanǵa Polsha nemese Moldova arqyly jerústi marshrýttaryn paıdalana alady, sodan keıin komersıalyq áýe reısterimen jolǵa shyǵa alady. Eger Polsha arqyly ketse, Shengen vızasy bolýy qajet. Moldovaǵa kirý úshin vıza talap etilmeıdi», – dep habarlady elshilik.
Sonymen birge, elshilik áýe dabylyn elemeýge bolmaıtynyn eskertti jáne qajet bolǵan jaǵdaıda dereý panalaıtyn jerge barýdy, qaýipsizdik sharalaryn saqtaýdy jáne resmı bıliktiń nusqaýlaryn oryndaýdy shaqyrdy.
Elshiliktiń konsýldyq bóliminiń baılanys nómirleri: +38(044) 4831596, +38(044) 4891031.
Qazaqstan azamattary úshin jedel jeli nómiri (tótenshe jaǵdaılarda): +380673470408.
3 qyrkúıekte Reseı Poltavadaǵy áskerı baılanys ortalyǵyna zymyrandyq shabýyl jasady. Shabýyl saldarynan 51 adam qaza taýyp, taǵy 271 adam jaralandy.