«Almaly» kitaphanasynda Qazaqstan halqy tilderi kúnine oraı Almaty qalasy mektepterindegi ózge ult oqýshylary arasynda «Qazaq tili – qazyǵym» baıqaýy uıymdastyryldy. Baıqaýǵa qazaq tilin erkin meńgergen ózge ult ókilderiniń 8-10 synyp aralyǵyndaǵy mektep oqýshylary qatysty. 
- Búgin Qazaqstan halqy tilderi kúnine oraı Almaty qalasy Qoǵamdyq damý basqarmasynyń «Qoǵamdyq kelisim» mekemesi «Qazaq tili – qazyǵym» atty baıqaý uıymdastyryp otyr. Baıqaýdyń maqsaty – qazaqstandyq etnostardyń memlekettik tildi meńgergen jas ókilderin anyqtaý, qoldaý jáne yntalandyrý, memlekettik tildi nasıhattaý. İs-sharaǵa Almaty ár aýdanynan kelgen 20-ǵa jýyq oqýshy qatysyp jatyr, – dedi ádilqazylar alqasynyń múshesi Balnur Asqarqyzy.
Sondaı-aq ol qazaq tiline arnalǵan baıqaýdyń úsh kezeńnen turatynyn atap ótti.
- Birinshi kezeńde oqýshylar qazaq tilinde ózderin shyǵarmashylyq jaǵynan tanystyrady. «Óner aldy qyzyl til» degen ekinshi kezeńde qatysýshylar qazaq aqyn-jazýshylarynyń týyndysyn jatqa aıtyp beredi. Úshinshi kezeńde berilgen maqal-mátelderdi tolyqtyryp jazý kerek. Jalpy baıqaý nátıjesi boıynsha úsh 3-oryn, eki 2-oryn, bir 1-oryn alǵan qatysýshylar baǵaly syılyqtarmen marapattalady, – dedi Balnur Asqarqyzy.
«Qazaq tili – qazyǵym» baıqaýyna qatysqan Samýel memlekettik tildi úsh jyldan beri úırenip júrgenin aıtty.
- Meniń jasym 13-te. Men qazaq jerinde týylǵam. Biraq qazaq tilin úırenip júrgenime 3 jyl boldy. Qazirgi deıin tildi biraz úırenip qaldym. Búgin Abaı Qunanbaıulynyń shyǵarmashylyǵyn oqyp, daıyndalyp keldim, – dedi Samýel Ýsoroh.