Úı janýarlaryn ustaý jáne serýendetýdiń jańa erejesin bekitý usynyldy.
Bul týraly «Ashyq» NQA portalynda jarıalanǵan Ekologıa jáne tabıǵı resýrstar mınıstriniń buıryǵynda jazylǵan, dep habarlaıdy Almaty-akshamy.kz.
Jańa redaksıaǵa sáıkes, buryn bolmaǵan myna erejeler engiziledi:
- Vaksınalanbaǵan jáne zararsyzdandyrylmaǵan janýardy ustaýǵa jol berilmeıdi;
- Kireberisterdi, baspaldaq torlaryn, lıftilerdi, sondaı-aq oıyn alańdaryn, joldardy, trotýarlardy úı janýarlarynyń nájisimen lastaýǵa tyıym salynady. Úı janýarlarynyń ıesi nájisti dereý tazalaýǵa mindetti;
- Ákimshiliktiń kelisimi boıynsha qonaq úıge ıtpen nemese mysyqpen qonystanýǵa ruqsat etiledi;
- Úı janýarlaryn uzaq ýaqyt qaraýsyz qaldyrýǵa jol berilmeıdi. Ol janýardyń túri men tamaqtaný, serýendeý jáne qarym-qatynas qajettilikterine baılanysty anyqtalady;
- Baqylaýsyz qalǵan eresek ıtter úshin shekti merzim 12 saǵattan, mysyqtar úshin 48 saǵattan aspaýy tıis;
- Baqylaýsyz qalǵan marǵaýlar men kúshikter úshin ýaqyt olardyń jasyna jáne tamaqtandyrý men kútimniń fızıologıalyq qajettilikterine, sondaı-aq emizetin mysyqtar men ıtterdiń bolýyna baılanysty anyqtalady;
- Qaraý múmkin bolmaǵan jaǵdaıda janýardyń ıesi nemese jaýapty tulǵa ony ýaqytsha ustaýǵa úshinshi tulǵalarǵa beredi, zoologıalyq qonaq úıge ornalastyrady;
- It ıesi úı janýarlaryna bos júrý daǵdylaryn úıretedi, agresıanyń kórinisterin baqylaıdy, ıtti negizgi komandalarǵa úıretedi;
- Adamdardy nemese janýarlardy tistese jáne agresıa adamnyń nemese janýardyń is-áreketinen týyndaǵan bolsa, veterınarıalyq emdeý uıymynyń nemese osy aýmaqqa qyzmet kórsetetin veterınarıalyq dárigerdiń ruqsaty boıynsha ıesi janýardy kúntizbelik 10 kún ishinde oqshaýlanǵan úı-jaıda ustaý týraly jazbasha nuqaýlyq beredi;
- Azamattarǵa, kásiporyndarǵa, mekemelerge jáne uıymdarǵa tıesili ıtter veterınarlyq klınıkalarda nemese veterınarlyq mekemelerde tuqymyna qaramastan 3 aıdan bastap qutyrý men basqa aýrýlarǵa qarsy mindetti tirkeýge, óńdeýge jáne vaksınasıalaýǵa jatady. Jańadan satyp alynǵan janýarlar janýardyń jeke tirkeý nómirin ala otyryp, 2 apta merzimde tirkelýge tıis;
- Tasymaldaý erejelerin saqtaı otyryp, janýarlardy jer ústi kóliginiń barlyq túrlerimen tasymaldaýǵa ruqsat etiledi;
- Itter men mysyqtardy azyq-túlikke tutyný, osy janýarlardan soıý nemese mertigý nemese densaýlyqqa ózge de zıan keltirý jolymen ónimder men shıkizat alý úshin ósirýge, kútip-baǵýǵa, paıdalanýǵa, sondaı-aq osyndaı ónimdi ótkizýge tyıym salynady;
- Janýardyń ıesi ony bıologıalyq erekshelikterine sáıkes ustaýǵa, janýarǵa qamqorlyqpen qaraýǵa, ony tamaqsyz jáne sýsyz qaldyrmaýǵa, janýarǵa qatygezdikke jol bermeýge jáne aýyrǵan jaǵdaıda ýaqytynda veterınarıalyq kómekke júginýge mindetti;
- Itter men mysyqtardy baqylaýsyz asyraýǵa jol berilmeıdi. Ittiń, mysyqtyń ıesi kınologıalyq jáne felınologıalyq uıymdarda tıisti tirkeýi bar nemese janýardyń densaýlyǵyna qarsy kórsetilimderi bar adamdardan basqa, olardy kastrasıalaý/zararsyzdandyrý arqyly úı ıtteri men mysyqtarynda qajetsiz urpaqtardyń paıda bolýyn boldyrmaý úshin sharalar qabyldaýǵa mindetti;
- Ittiń satyp alynǵany, joǵalǵany nemese ólgeni týraly ıesi turǵylyqty jeri boıynsha mamandandyrylǵan uıymdarǵa, veterınarıalyq mekemelerge úsh táýlik ishinde habarlaıdy;
- Janýardyń óleksesi QR veterınarıalyq normalaryna sáıkes kremasıalaý, kádege jaratý nemese kómý úshin 1 táýlik ishinde veterınarıalyq mekemege tapsyrylady;
- Janýardyń óleksesin laqtyrýǵa tyıym salynady.
Atalǵan erejeler qamtylǵan buıryq 6 sáýirge deıin kópshilik talqylaýda bolady.