Bir jyl ishinde jer silkingen 11 oblysta 650 myń úı salynady.
Túrkıa Úkimeti músheleri men partıa jetekshileri bas qosqan Qahramanmarash qalasyndaǵy jıynda Rejep Taıyp Erdoǵan tikeleı efırde jańa úılerdiń irgetasyn quıý prosesin bastatty, dep habarlaıdy Almaty-akshamy.kz Qazaqstan.tv-ǵa silteme jasap.
Onyń 30 myńnan astamy aýyldarda boı kótermek. Úılerdiń bıiktigi 4-5 qabattan aspaıdy jáne tastaq jerlerge salynady. Túrkıanyń ońtústik-shyǵysynda bir jarym aı buryn bolǵan alapat jer silkinisinen 50 myńnan asa adam qaıtys bolyp, 500 myńnan asa ǵımarat qıraǵan nemese búlingen. Ekonomıser bul apattan Túrkıa ekonomıkasyna 100 mlrd dollardan asa shyǵyn kelgenin aıtady.
«Apat aımaǵynda úıindilerdi tazalaý, ýaqytsha baspana turǵyzý jáne jańa úıler salý sıaqty jumystardy bir mezgilde júrgizip jatyrmyz. Búginge deıin qırandylardyń jartysynan kóbin tazaladyq. Óńirde 525 myń shatyr, 32 myń konteıner ornattyq. Mamyr aıyna deıin 100 myń konteıner úı ornatý josparda», - deıdi Túrkıa Prezıdenti Rejep Taıyp Erdoǵan.