Qazaqstanda 1 jeltoqsan - Tuńǵysh Prezıdent kúni
Qazaqstan Respýblıkasynyń Tuńǵysh Prezıdenti kúnin merekeleý aıasynda Almaty oblysynyń Tótenshe jaǵdaılar departamentinde birqatar is-shara ótti, dep habarlaıdy Almaty-akshamy.kz.
Qazaqstanda 1 jeltoqsan - Tuńǵysh Prezıdent kúni. Bul kún kezdeısoq tańdalmady - dál osy kúni 1991 jyly Nursultan Nazarbaev Qazaq KSR Prezıdenti laýazymyna saılandy, al eki aptadan keıin Táýelsiz Qazaqstannyń basshysy boldy.
Búginde bizdiń elimiz álemde tanymal, onyń óz damýyn jetildirý boıynsha kóptegen órshil jobalary bar. Qazirgi Qazaqstannyń jetistikteri Nursultan Ábishuly Nazarbaevtyń saıası erik-jigeriniń, batyldyǵynyń, kóregendiginiń arqasynda múmkin boldy. Bizdiń Kóshbasshymyzdyń jetistikteri shynaıy qurmetke ıe, sondyqtan bizdiń kúntizbemizde Qazaqstan Respýblıkasynyń Tuńǵysh Prezıdenti kúniniń paıda bolýy da zańdy. Endi qystyń alǵashqy kúni, osy mereke atap ótiletin kún barlyq qazaqstandyqtar úshin aıtýly meıram boldy.
Qazaqstan Respýblıkasynyń Tuńǵysh Prezıdenti kúnin merekeleý aıasynda Almaty oblysynyń Tótenshe jaǵdaılar departamentinde karantındik sharalardy saqtaı otyryp, beınekonferens baılanys rejıminde saltanatty is-shara ótkizildi. Oǵan departament apparatynyń, aýmaqtyq jáne vedimistik baǵynysty bólimshelerdiń qyzmetkerleri qatysty.
Saltanatty sharada Almaty oblysy Tótenshe jaǵdaılar departamenti bastyǵynyń orynbasary, azamattyq qorǵaý polkovnıgi Erlan Dúısenhanuly Ahashov quttyqtaý sóz sóıledi. Óz sózinde ol Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev Qazaqstannyń birligin, Konstıtýsıany, adamnyń jáne azamattyń quqyqtary men bostandyqtaryn qorǵaýdy qamtamasyz etken jańa táýelsiz memlekettiń negizin qalaýshy bolyp tabylatynyn atap ótti, sondaı-aq elimizge gúldenýdi, al árbir qyzmetkerge beıbitshilik, densaýlyq, baqyt, otbasylaryna jaqsylyq jáne amandyq tiledi.
Tótenshe jaǵdaılardyń aldyn alý jáne joıý, memlekettik júıesin damytýǵa jáne nyǵaıtýǵa belsendi qatysqany úshin Almaty oblysy TJD qyzmetkerleri: Eńbekshiqazaq aýdany TJB bas mamany, azamattyq qorǵaý podpolkovnıgi A.N.Kondybaev jáne Órt sóndirý jáne apattan qutqarý jumystary qyzmetiniń kadr saıasaty bóliminiń bastyǵy, azamattyq qorǵaý maıory D.B.Kemelbaev Qazaqstan Respýblıkasy TJ mınıstrliginiń gramotalarymen, Sarqand aýdany TJB bas mamany, azamattyq qorǵaý maıory E.J.Tursynov Qazaqstan Respýblıkasy TJM alǵys hatymen saltanatty túrde marapattaldy.
Sondaı-aq, Almaty oblysy TJD Órt sóndirý jáne apattan qutqarý jumystary qyzmetiniń №6 ÓSB bólimshesiniń komandıri, azamattyq qorǵaý starshınasy D.A. Erkinovqa jáne Balqash aýdany TJB bas mamanyna alǵys jarıalandy.
Saltanatty shara barysynda «QR Tuńǵysh Prezıdentiniń joly» atty derekti fılminiń kórsetilimi uıymdastyryldy.