Mınıstr orfandyq aýrýlardy emdeýge arnalǵan ınovasıalyq preparattarǵa qol jetkizý máselesin talqylady
Shveısarıanyń Bazel qalasynda Prezıdent Qasym-Jomart Toqaevtyń Shveısarıaǵa resmı sapary aıasynda Densaýlyq saqtaý mınıstri Alekseı Soı men shveısarıalyq F. Hoffmann-La Roche Ltd farmasevtıkalyq kompanıasy dırektorlar keńesiniń tóraǵasy Krıstof Franstyń ekijaqty kezdesýi ótti, dep habarlaıdy Almaty-akshamy.kz.
Kompanıanyń qyzmetimen tanysý úshin QR Densaýlyq saqtaý mınıstri Alekseı Soı Shveısarıanyń Bazel qalasyndaǵy dárilik preparattardyń óndiristik alańyna bardy.
Ekinshi nysan dıagnostıkalyq jabdyqtardy óndirý boıynsha Grosskroıs qalasyndaǵy zaýyt boldy.
Mınıstr orfandyq aýrýlardy emdeýge arnalǵan ınovasıalyq preparattarǵa qol jetkizý máselesin, shveısarıalyq tehnologıalardyń Qazaqstanǵa transferiniń mańyzdylyǵyn, sondaı-aq kompanıanyń zerthanalyq ınfraqurylymdy damytýǵa baǵyttalǵan jobalardy iske asyrýǵa, COVID-19 bar pasıentterdi emdeýge arnalǵan dárilik preparattardy jetkizýge múddeliligin talqylaýǵa erekshe qyzyǵýshylyq tanytty.
Taqyrypty talqylaý 2021 jylǵy 29 qarashada qol qoıylǵan Qazaqstan Respýblıkasy Densaýlyq saqtaý mınıstrligi men Roche Ltd arasyndaǵy negizdemelik kelisimniń mańyzdylyǵyn rastaıdy.
Negizdemelik kelisim yntymaqtastyqtyń qaǵıdattary men aldyn ala nıetin belgileýge, sondaı-aq Qazaqstan Respýblıkasynyń aýmaǵynda farmasevtıkalyq ónerkásipti damytý jáne dárilik zattardyń jergilikti óndirisiniń úlesin ulǵaıtý jónindegi jobany iske asyrý maqsatynda baǵyttalǵan.