16 jeltoqsan - Táýelsizdik kúni. Aqshamnews.kz tilshisi aıtýly merekege oraı Qazaqstanda Táýelsizdik esimdi qansha adam bar ekenin anyqtady.
Ulttyq statısıka búrosynyń málimetterine súıensek, Qazaqstanda Táýelsizdik esimdi 1 ǵana adam bar.
"Qazaqstan boıynsha ulty qazaq 1 adamnyń esimi - Táýelsizdik", - dep jazylǵan derekte.
Ol - Jetisý oblysynyń turǵyny, 14 jasta.
Elimizde Qazaqstan, Egemen, Táýelsizdik esimdi qansha adam bar?
Ulttyq statısıka búrosynyń "Men sıaqty neshe adam bar?" bóliminde attas adamdar tizimin tabýǵa bolady. Máselen, elimizde Kazahstan esimdi 24, Qazaqstan esimdi 7 jáne Kazakstan esimdi 3 adam bar.
Al Egemen esimdi 25 adam bar. Olardyń úsheýi 31 jasta.
Elimizde 14 285 Azat, 23 Bostandyq pen 3922 Erkin bar.
Táýelsizdik kúnine oraı qazaqstandyqtar qansha kún demalady?
Bıyl 16 jeltoqsan - Táýelsizdik kúni seısenbige tuspa-tus keledi.
- 15 jeltoqsan, deısenbi: ádettegi jumys kúni;
- 16 jeltoqsan, seısenbi: Táýelsizdik kúni(barlyǵyna demalys);
- 17 jeltoqsan, sársenbi: ádettegideı jumys kúni.