Tuńǵysh Prezıdent kúni merekesine oraı biz oqyrmandarymyzdyń nazaryna Elbasy Nursultan Nazarbaevtyń el arasyna tarap ketken, «Almaty aqshamynda» jarıalanyp júrgen Otan, Táýelsizdik, Qazaq tili, ulttyq múdde men el birligi, jer tutastyǵy, ultaralyq jarastyq jaıly jan tebirenisteri men ǵaqlıalyq paıymdaýlarynan ázirlen gen taǵylymdyq toptamanyń bir parasyn usynyp otyrmyz. Bul oı-tolǵanystardyń astarynda ata-babalar rýhyna, Táýelsizdik murattaryna, ulttyq rýhanıat pen salt-sanaǵa, dástúrge, Ana tilimizge degen qurmet bar, zamandastarymyz ben jas urpaqty eldik murattarǵa qaıraý bar...
***
Dúnıede táýelsiz Qazaq eli bar. Álemde egemen Qazaqstan bar. Onyń kóp ultty, tatý, yntymaqshyl halqy bar. Qýatty ekonomıkasy, senimdi saıası júıesi bar.
Eń bastysy – búginnen nurly, búginnen kemel bolashaǵy bar.
Sol kúnge berik senimi bar!
***
Biz babalarymyz ańsaǵan Táýelsizdikke qol jetkizip, Uly dala tósinde álem mo- ıyndaǵan memleket qurdyq.
***
HHI ǵasyr qazaq halqynyń juldyzy janatyn ǵasyr bolatynyna senemin.
***
Bizdiń Otanymyz bireý, Táýelsizdigimiz– bizdiń basty baılyǵymyz, ony árbir azamat kóziniń qarashyǵyndaı saqtaýy tıis.
***
Qazir boı jarystyratyn zaman emes, oı jarystyratyn zaman.
***
Ulttyq múddege qyzmet etý úshin árkim ózgeni emes, ózin qamshylaýǵa tıisti.
***
Qazaq tarıhynda qazaq uıalatyn eshteńe joq.
***
Memleketimizdiń dińgegi – qazaq halqy. El de, jer de – qazaqtiki. El bolýdyń uıaty da bizdiń jurttyń moınynda.
***
Eń bastysy, tatý-tátti yntymaǵy jarasqan kóp ultty halqymyz bar. El degende, jer degende bilegin sybanyp, iske daıyn turǵan azamattarymyz bar. San ǵasyrlar boıy talaı teperishti kórse de, jaısań janyn, ásem ánin, kúmbir kúıin, ádemi ádet-ǵurpyn, taza tilin saqtaǵan ultymyz bar. Mine, bizdiń basty baılyǵymyz – osy.
***
Táýelsizdiktiń qaıta oralǵany – bizdiń ata-babalarymyzdyń san ǵasyrlyq azattyq kúresiniń zańdy óteýi. Jaratqan Ieniń jasaǵan ádildigi. Ata-babalarymyzdyń osynshama baıtaq jerdi aq naızanyń ushymen, aq bilektiń kúshimen qorǵap qalǵanynyń arqasy.
***
Boıynda qany bar, namysy bar árbir azamat: «Endi táýelsizdikti qalaı kemeldendiremiz, eldiń kósegesin qaıtsek kógertemiz?!» dep oı-sanasyn qamshylaýy kerek.
***
Halyq keshpeıtin bir-aq nárse bar: eldiń qolyna zaryqtyryp kelip qonǵan baqyt qusynan – Táýelsizdikten aıyrylýdy keshpeıdi.
***
Basqaǵa jaltaqtaıtyn kúnnen kettik. Bar baılyǵymyzdy ózimizge buıyratyn ettik.
Qoǵamnyń saıası turaqtylyǵy men birligine jettik.
Qysqasy, egemen el bolýdyń eń aýyr belesinen óttik.
***
Biz memleket qurdyq. Qurǵanda da, aty bar da zaty joq memleket emes, búkil adamzat tanıtyn, tanyp qana qoımaǵan, moıyndaıtyn, qurmetteıtin memleket qura aldyq.
***
Qazaqstannyń táýelsizdigi beıbit jolmen keldi. Bul – azattyq úshin alysqan myń-myńdaǵan azamattardyń qasıetti qanynyń óteýi. Bul – búkil tarıhynda ózgelerge qıanat jasaý degendi bilmegen halyqtyń peıiliniń qaıtarymy.
***
Bizdiń urpaq aldynda babalar qol jetkizgen ıgilikterdi saqtaý, qaıta qalpyna keltirilgen memlekettigimizdi nyǵaıtý jáne dúnıejúzilik qaýymdastyq talaptaryna saı jańa sapalyq deńgeıge kóterilý mindeti tur.
***
Qazaq qazaqpen qazaqsha sóılessin.
***
Ultty kúsheıtýdiń birinshi tetigi – til.
***
Qazaqstannyń bolashaǵy – qazaq tilinde.
***
Ana tilin qadirleý – ár azamattyń perzenttik paryzy.
**
Búgingi bizdiń táýelsizdigimizdiń qaınar kózi qazaq halqynyń san ǵasyrlar boıǵy kúresinde, azattyqqa umtylǵan qaısarlyǵynda jatyr.