Monetalardyń satýǵa shyǵarylatyn kúni týraly aqparat Qazaqstan Ulttyq banki qosymsha habarlaıtyn bolady.
Qazaqstan Ulttyq banki «Qazaqstannyń florasy men faýnasy» serıasynan AQ TUŃǴIYQ, «Qazaqstannyń ádet-ǵuryptary, ulttyq oıyndary» serıasynan ERÝLIK jáne «Jaratylys syrlary» serıasynan ÙNDILIK TANYM koleksıalyq monetalaryn aınalysqa shyǵarady, dep habarlaıdy aqshamnews.kz
AQ TUŃǴIYQ koleksıalyq monetalary týraly
AQ TUŃǴIYQ (Aq tuńǵıyq) – Qyzyl kitapqa engizilgen, Qazaqstanda sırek kezdesetin gúl. Alǵash ret moneta móldir emalmen toltyrylyp, qumdy túbi men tastary bar sý beti áserin beretin jańa tehnologıa qoldanylady.
Monetalar:
- 3D tehnologıasyn qoldana otyryp, 925 synamdy kúmisten daıyndalǵan. Massasy – 100 gram, dıametri – 50 mm, daıyndaý sapasy – proof, nomınaly – 1000 teńge, daıyndaý taralymy – 500 (bes júz) dana;
Kúmisten daıyndalǵan monetanyń beınesi
- melhıor (MN 25) qospasynan daıyndalǵan, massasy – 15 gram, dıametri – 33 mm, daıyndaý sapasy – rroof-like, nomınaly – 500 teńge, taralymy – 5 000 (bes myń) dana.
Melhıordan daıyndalǵan monetanyń beınesi
ERÝLIK koleksıalyq monetalary týraly
Erýlik – bul bereke-birlik pen ózara kómek, qonaqjaılylyq rýhyn bildiretin qazaq dástúri.
Monetalar:
- «ınterferensıalyq qubylmaly qabat» tehnologıasyn qoldana otyryp, 925 synamdy kúmisten daıyndalǵan. Massasy – 24 gram, dıametri – 37 mm, daıyndaý sapasy – rroof, nomınaly – 1 000 teńge, daıyndaý taralymy – 1 000 (bir myń) dana;
Kúmisten daıyndalǵan monetanyń beınesi
- melhıor (MN 25) qospasynan daıyndalǵan, massasy – 15 gram, dıametri – 33 mm, daıyndaý sapasy – brilliant uncirculated, nomınaly – 200 teńge, taralymy – 10 000 (on myń) dana;
Melhıordan daıyndalǵan monetanyń beınesi
- neızılber (MNS 15-20) qospasynan daıyndalǵan, massasy – 11,17 gram, dıametri – 31 mm, daıyndaý sapasy – uncirculated, nomınaly 200 – teńge, taralymy – 100 000 (bir júz myń) dana.
Neızılberden daıyndalǵan monetanyń beınesi
ÙNDILIK TANYM koleksıalyq monetalary týraly
ÙNDILIK TANYM – ejelgi órkenıetterdiń álem jaratylysy týraly mıfologıalyq teorıalaryna arnalǵan «Jaratylys syrlary» serıasynyń ekinshi monetasy. Pilderdiń ústinde turǵan tasbaqadaǵy álemniń beınesi ejelgi úndi kosmologıasyndaǵy Ǵalamnyń qurylymyn beıneleıdi jáne kóbinese epıkalyq jáne mıfologıalyq mátinderde sıpattaýda qoldanylady. Tasbaqa – Vıshný qudaıynyń beınesi ǵalamnyń negizi men ornyqtylyqty bildiredi.
Monetalar tantal qondyrmasymen 925 synamaly kúmisten kúrdeli tehnologıa boıynsha daıyndalǵan. Monetanyń jalpy massasy – 162,2 gram, dıametri – 50 mm, daıyndaý sapasy – proof, nomınaly – 2 000 teńge, daıyndaý taralymy – 500 (bes júz) dana.
Monetanyń beınesi
Koleksıalyq monetalar Qazaqstan Respýblıkasynyń búkil aýmaǵynda ózderiniń belgilengen qunyna saı tólemderdiń barlyq túri boıynsha qabyldaýǵa, sondaı-aq eldiń barlyq bankinde bank shottaryna esepke alýǵa, aýdarýǵa, usaqtaýǵa jáne aıyrbastaýǵa jatady.
Koleksıalyq monetalar Qazaqstan teńge saraıynda daıyndalǵan