Azerbaijan Airlines áýekompanıasy Aqtaý mańyndaǵy áýe apatynan zardap shekkender men qaza tapqan jandardyń otbasyna ótemaqy tóleıdi, dep habarlaıdy aqshamnews.kz
— Ázerbaıjan áýekompanıalary jabyq aksıonerlik qoǵamy baqylaý keńesiniń sheshimi boıynsha Qazaqstan Respýblıkasynyń aýmaǵynda 2024 jylǵy 25 jeltoqsanda apatqa ushyraǵan Baký-Groznyı J2-8243 reısin oryndaǵan Embraer 190 ushaq apatynda zardap shekken jolaýshylardyń árqaısysyna 20 000 manat (shamamen 5 mln teńgeden astam), al qaza tapqan jandardyń otbasyna 40 000 manat mólsherinde ótemaqy taǵaıyndaldy (shamamen 11 mln teńgeden astam), — delingen áýekompanıanyń habarlamasynda.
Sonymen qatar, barlyq jolaýshy Ázerbaıjan Respýblıkasynyń zańnamasyna jáne ozyq halyqaralyq tájirıbege sáıkes qoldanylatyn tıisti saqtandyrý tólemin alady.