İshki ister mınıstrligi jeke kýálikti jedel tártippen berý qunyn tómendetýdi josparlap otyr, dep habarlaıdy almaty-akshamy.kz.
Ashyq NQA portalynda jarıalanǵan buıryq-jobasynda jazylǵandaı, endi Astana, Almaty, Shymkent qalalarynda jáne oblys ortalyqtarynda baǵa mynadaı bolmaq:
- qujat 1 jumys kúninde daıyndalatyn bolsa – 3372,45 teńge (qazir 4 983 teńge);
- kýálik 3 jumys kúninde daıyndalatyn bolsa – 1770,88 teńge (qazir 2 752 teńge);
Al oblystardyń aýdandary men qalalarynda qujat tek 7 jumys kúni ishinde daıyn bolady. Onyń quny 677 teńge 95 tıyn mólsherinde (qazir 1 116 teńge) bekitildi.
«Túzetýler memlekettik monopolıaǵa jatatyn İshki ister mınıstrliginiń «Aqparattyq-óndiristik ortalyǵy» qyzmetteriniń baǵasyn tómendetý jaǵyna qaraı, Básekelestikti qorǵaý jáne damytý agenttiginiń túzetýlerine baılanysty engiziledi», – dep túsindirme berilgen buıryq-jobasyna.
Qujat 30 qazanǵa deıin kópshilik talqylaýda bolady.