Erteń, 17 qazanda Helsınkıde fýtboldan 2024 jylǵy Eýropa chempıonatyna irikteý machy ótedi. Fınlándıa óz alańynda Qazaqstan quramasyn qabyldaıdy, dep habarlaıdy almaty-akshamy.kz Sports.kz saıtyna silteme jasap.
Fınlándıa – Qazaqstan machynyń tikeleı kórsetilimi Astana ýaqytymen 22:00-de bastalady. Qazaqstandyq jankúıerler oıyndy Qazsport telearnasynan tikeleı efırde tamashalaı alady.
Jeti oıynnan keıin Qazaqstan men Fınlándıa quramalarynda 12 upaıdan bar. Fınlándıa úshinshi orynda tursa, Qazaqstan tórtinshi qatarda kele jatyr (fınlándıalyqtar qosymsha kórsetkishtiń arqasynda bizden alda). Eýro-2024 keıingi irikteý machynda Qazaqstan syrt alańda Danıa quramasyna ese jiberdi – 1:3, al Fınlándıany syrt alańda Slovenıa oıynshylary oısyrata jeńdi – 0:3.