Respýblıkalyq mańyzy bar avtojoldardan aqmolalyq qutqarýshylar jergilikti atqarýshy organdarmen birlesip túnde 191 adamdy qutqaryp, jylytý pýnktterine ornalastyrdy, onyń ishinde 20 bala, dep habarlaıdy almaty-akshamy.kz Aqmola oblysy TJD baspasóz qyzmetine silteme jasap.
Jaqsy aýdanynda 2 qutqarý oqıǵasy oryn aldy. Saǵat 18:04-te «Jaqsy-Esil-Buzylyq» avtojolynda «Astana-CHelábınsk» baǵyty boıynsha júretin reıstik avtobýstyń tehnıkalyq aqaýlyǵyna baılanysty Jaqsy kentiniń jylytý pýnktine 64 adam evakýasıalandy, onyń ishinde 17 bala. Barlyǵy Ózbekstan azamattary.
3 saǵattan keıin sol avtojoldyń bóget beketterinen taǵy 54 Ózbekstan azamaty qutqaryldy, onyń ishinde 3 bala.
Jaqsy aýdanynyń qutqarýshylary avarıalyq-qutqarý jumystaryn sátti júrgizip, qutqarý estafetasyn Atbasar qutqarýshylaryna tapsyrdy. Biraq bul joly Tájikstan azamattary qutqaryldy. Saǵat 23-25-te «Almaty-Ekaterınbýrg» avtojolynda Ekaterınbýrg qalasyna jol tartqan reıstik avtobýs buzylyp, jylytý pýnktterine 71 adam evakýasıalandy. Medısınalyq kómekke muqtaj bolǵan joq.
Sondaı-aq, «Astana-SHýchınsk» avtojolynda jylytý pýnktine Qazaqstannyń 2 azamaty ornalastyryldy.
Aqmola oblysynyń Tótenshe jaǵdaılar departamenti Sizden avtokólikpen uzaq saparlardan bas tartýdy suraıdy. Eldi mekenderden tys sapardy josparlaý kezinde sınoptıkterdiń boljamyn tyńdańyz, qutqarý qyzmetiniń SMS habarlamalaryna nazar aýdaryńyz. Avtojoldardyń jabylýy nemese ashylýy týraly Siz «Darmen» mobıldi qosymshasynan bile alasyz nemese 14-03 nómiri boıynsha «Qazavtojol» koll-ortalyǵyna júgine alasyz.