Qaraǵandy oblysynda jyl basynan bastap polısıa qyzmetkerleri elimizge kelý zańyn buzǵan 370 sheteldikterdi jáne olardy jumysqa tartqan 45 jumys berýshini anyqtady, dep habarlaıdy almaty-akshamy.kz
Sheteldikterdiń kóbisi qurylys alańdarynda, kólik jóndeý, jıhaz jasaý oryndarynda, shashtaraz, dámhanalarda jáne dúkenderde jumys istegen. Sheteldiktikterdi elden shyǵarýǵa nemquraıly qarap, olarǵa jatyn oryn bergen 21 Qazaqstan azamaty jaýapkershilikke tartyldy.
- Máselen, zańsyz júrgen sheteldikterdi anyqtaý maqsatynda qurylǵan mobıldik top qyzmekterlerimen turǵyn úı keshenderiniń birinde zańsyz jumys jasap jatqan 9 shetel azamaty anyqtaldy. Quqyq buzýshylar men olarǵa jumys berýshiler ákimshilik jaýapkershilikke tartyldy.
- Sonymen qatar Qaraǵandy oblystyq polısıa departamentiniń qyzmetkerlerimen Almaty qalasynda sot sheshimin oryndamaı júrgen 37 jastaǵy jaqyn shetel azamatyna qatysty keshendi izdestirý is-sharasy júrgizildi. Ol azamatty polısıa qyzmetkerleri anyqtap, Qazaqstan Respýblıkasy aýmaǵynan shyǵaryldy.
– Kóshi-qon polısıa qyzmeti azamattarǵa eskertedi. Zańsyz júrgen shetel azamatyn jumysqa tartý boıynsha ákimshilik quqyq buzýshylyq kodeksine sáıkes 2 584 400 teńge ákimshilik aıyppul nemese 200 saǵat qoǵamdyq jumysqa tartý ne bolmasa 50 táýlikke qamaýǵa alý jazasy kózdeletinin eske salady. Al zańsyz júrgen shetel azamattary elden shyǵarylady, – dedi kóshi-qon qyzmeti basqarmasy bastyǵynyń mindetin atqarýshy Arman Ýalıev.