2024 jylǵy 16 aqpanda saǵat 08.52-de Almaty oblysy TJD Qapshaǵaı sý qoımasynyń «Golýboı zalıv» ýchaskesiniń aýmaǵyńdaǵy muzdyń synyp, muz ústinde 1949 jyly týǵan er adam qalǵany týraly habarlama kelip tústi, dep habarlaıdy almaty-akshamy.kz Almaty oblysy TJD baspasóz qyzmetine silteme jasap.
Shaqyrý ornyna Qonaev qalasynyń jedel-qutqarý jasaǵynyń qutqarýshylary dereý jiberildi.
Er adam túnde balyq aýlaýǵa kelgen eken. Tańerteń muz synyp, ol ózdiginen jaǵaǵa shyǵa almaǵandyqtan, qutqarý qyzmetine júgindi.
Qonaev qalasy jedel-qutqarý jasaǵynyń 8 qutqarýshysy, 2 birlik tehnıkasy, júzý quraldarynyń kúshimen jaǵaǵa jetkizildi.
Medısınalyq kómek qajet emes.
Er adam Almaty oblysy TJD qyzmetkerlerine ómirin saqtap qalǵany úshin úlken alǵysyn bildirdi.
Qalyptasqan turaqsyz aýa raıyna baılanysty jáne jazataıym oqıǵalardyń aldyn alý, juqa muzda jaraqat alý men adam óliminiń aldyn alý maqsatynda Almaty oblysynyń TJD sý aıdyndarynda qaýipsizdik erejelerin saqtaýǵa jáne juqa muzǵa shyǵýdan bas tartýǵa keńes beredi.