Buǵan deıin Qazaqstanda TikTok jelisine kiretinderdiń jasyn shekteý usynylǵan edi.
TikTok, YouTube jáne Snapchat jelilerine qatysty tergeý bastaldy, dep habarlaıdy aqshamnews.kz Euronews basylymyna silteme jasap.
Eýropalyq odaq óz azamattaryna jalǵan jańalyqtar men ózine zıan keltirýdi nasıhattaıtyn kontentterdiń usynylýyna baılanysty áleýmettik jelilerge tergeý bastady.
Endi TikTok, YouTube jáne Snapchat jelileri Eýropalyq komısıanyń vıdeolardy usyný algorıtmderiniń qalaı jumys isteıtini týraly suraqtaryna jaýap berýi kerek.
“Odaqtyń sıfrlyq qyzmetter týraly zańy (DSA) boıynsha júrgizilgen tergeý adamdarǵa nelikten saılaýǵa qatysty jalǵan jańalyqtardy nemese depressıa men nashaqorlyqty dáripteıtin kontent usynylatynyn túsinýge baǵyttalǵan” -delingen resmı habarlamada.
Komısıa vıdeolardy avtomatty oınatý jáne sheksiz aınaldyrý sıaqty múmkindikterdiń áserin, zıandy kontenttiń taralýyn boldyrmaý úshin platformalar qandaı saqtyq sharalaryn qoldanatynyn zerttemek.
15 qarashaǵa deıin tıisti qujattardy usynbaǵan nemese jalǵan aqparat bergen jelilerge Eýroodaq zańy boıynsha aıyppul salynady.