Qar aralas jańbyr jaýady.
Sınoptıkter 3 qazanda elimizdiń basym bóliginde aýa raıy qolaısyz bolatynyn boljaıdy, dep habarlaıdy aqshamnews.kz
"Qazgıdromet" RMK málimetinshe, respýblıkamyzdyń soltústigi men soltústik-batysynda ǵana jyly ári jaýyn-shashynsyz aýa raıy saqtalady.
"Qazaqstannyń basym bóliginde jańbyr jaýady dep kútiledi, respýblıkamyzdyń ońtústik-batysynda qatty jańbyr jaýady, ońtústik-shyǵystyń taýly aımaqtarynda túnde qatty jaýyn-shashyn bolady (jańbyr, qar). Elimizdiń batysynda, ońtústiginde, ońtústik-shyǵysynda naızaǵaı oınap, kún raıy buzylady, ońtústik-shyǵys óńirdegi taýly aımaqtarda jaýyn-shashyn (jańbyr, qar) bolady... Qazaqstan boıynsha tán ortaq tabıǵı qubylys - jeldiń ekpin alýy, túnde jáne tańerteń elimizdiń soltústiginde, soltústik-batysynda, ońtústik-shyǵysyndaǵy taýly aýdandarda tuman túsedi", dep boljanady.
Sınoptıkter boljamynsha, Qaraǵandy, Abaı oblystarynda, Aqtóbe óńiriniń soltústiginde, soltústik-shyǵysynda, Ulytaý oblysynyń shyǵysynda, Batys Qazaqstan oblysynyń soltústiginde, Qyzylorda óńiriniń soltústik-batysynda, Jambyl oblysynyń ońtústik-shyǵysynda, Qostanaı óńiriniń ońtústiginde, Mańǵystaý oblysynyń shyǵysynda, batysynda, ońtústiginde, Shyǵys-Qazaqstan oblysynda órt qaýpi joǵary bolady.
"Mańǵystaý, Atyraý, Aqtóbe, Túrkistan, Qyzylorda, Jambyl, Batys Qazaqstan oblystarynda, Ulytaý, Qostanaı óńirleriniń ońtústik-batysynda, Qaraǵandy oblysynyń batysynda, shyǵysynda, Abaı óńiriniń ońtústiginde, Jetisý oblysynyń batysynda, soltústiginde, ortalyǵynda, Almaty oblysynyń soltústiginde, batysynda tótenshe órt qaýpi saqtalady", dep tolyqtyrady "Qazgıdromet" RMK.
Buǵan deıin 2024 jyldyń 3 qazan men 5 qazan aralyǵynda Qazaqstannyń ońtústiginde jaýyn-shashyndy aýa raıy kútiletini, al soltústik jáne shyǵys óńirlerde synap baǵany 8 gradýs sýyqty kórsetetini, úsik júretini boljanǵan.