SHQO-da qos azamattyǵy bar 48 adam anyqtaldy.
Qazaqstanda júrgen qos azamattyǵy bar sheteldikter qýyldy, dep habarlaıdy aqshamnews.kz
SHQO polısıa departamentiniń kóshi-qon qyzmeti basqarmasynyń qyzmetkerleri oblys aýmaǵynan qos azamattyǵy bar 50-ge jýyq adamdy anyqtady. Olardyń toǵyzy sot sheshimi boıynsha Qazaqstannan tys jerlerge shyǵaryldy.
"Mysaly, Óskemen qalasynyń 59 jastaǵy turǵyny 2021 jyldyń mamyr aıynda kórshi memlekettiń azamattyǵyn alǵan, biraq bul týraly zańda belgilengen merzimde quqyq qorǵaý organdaryna habarlamaǵan. Sheteldiktiń jeke kýáligi men Qazaqstan Respýblıkasy azamatynyń tólqujaty tárkilenip, Qazaqstan azamattyǵynan aıyrý tirkeldi. Zańdy buzǵany úshin er adam 200 AEK kóleminde aıyppul tóledi",-dep atap ótti SHQO PD kóshi-qon qyzmeti basqarmasynyń bastyǵy Rınat Shkıbaev.
SHQO PD kóshi-qon qyzmeti Qazaqstan Respýblıkasynyń Konstıtýsıasyna sáıkes elimizde qos azamattyqqa jol berilmeıtindigin jáne zańnama talaptaryn saqtaýdy eskertedi.