Portal arqyly 400 myńnan astam adam turaqty jáne ýaqytsha jumys oryndaryna ornalasady.
"Eńbek resýrstaryn damytý ortalyǵy" AQ vıse-prezıdenti Shalqar Baıqulaqov Qazaqstanda jyldam jumys tabý úshin Enbek.kz platformasy jumys isteıtindigin eske saldy, dep habarlaıdy aqshamnews.kz
"Bul azamattarǵa qolaıly jumys oryndaryn tez tabýǵa jáne jumys berýshilerge qajetti mamandar tabýǵa múmkindik beretin kóptegen qyzmetteri bar sıfrlyq ekojúıe",- dedi ol.
Onyń aıtýynsha, tirkelgen izdenýshiler túıindemesin tez ári ońaı ornalastyra alady. Sondaı-aq, ony jańartyp otyrýǵa bolady. Qolaıly bos jumys oryndaryn izdeýmen birge, ózin qyzyqtyrǵan jumys oryndarǵa túıindemelerin jibere alady.
"Sonymen birge, baptalǵan jasandy ıntelekt modeli arqyly Enbek.kz sizdiń daǵdylaryńyzdy, bilimińizdi, jumys tájirbıeńizdi eskere otyryp, eń qolaıly jumys oryndaryn tańdaıdy. Jumys berýshiler óz kezeginde bos jumys oryndary týraly málimet ornalastyryp, jumys izdeýshilerdiń ózekti túıindemelerin kóre alady. Úmitkerlerdi suhbattasýǵa shaqyrýǵa bolady nemese tikeleı platformada onlaın rejıminde suhbat ótkize alady", dedi Shalqar Baıqulaqov.
Ol Enbek.kz-te jyl saıyn 1 mln. astam jumys orny týraly aqparat, 600 myń túıindeme ornalastyrylatyndyǵyn aıtty.