Almatyda sot sheshimi boıynsha eki turǵyn úı buzylady. Bul Nur - Alataý shaǵyn aýdany K. Taýasarluly kóshesi, 71/21 mekenjaıdaǵy bir ýchaskede ornalasqan 3 qabatty úıler, dep habarlaıdy aqshamnews.kz Almaty qala qurylysyn baqylaý basqarmasyna silteme jasap.
Jospardan tys tekserý barysynda ruqsat berý qujattarynyń tolyq paketiniń joqtyǵy anyqtaldy, nátıjesinde menshik ıelerine (jeke tulǵaǵa) qatysty ákimshilik sharalar qabyldandy.
Kóp uzamaı basqarma Bostandyq aýdandyq sotyna nysandardy buzý týraly talap aryz berdi. 2023 jyldyń 29 qyrkúıeginde sot eki úıdi buzý týraly sheshim qabyldady. 2024 jylǵy 31 qańtarda Almaty sotynyń qaýlysymen aýdandyq sottyń sheshimi ózgerissiz qaldy.
Keıin sot sheshimi ádilet departamentine kelip tústi, onda atqarýshylyq is qozǵaldy.
Bólshekteýdi menshik ıeleri sot oryndaýshylarynyń qatysýymen erikti túrde bastaıdy.
Aıta keteıik, Almatyda qala ákimi Erbolat Dosaevtyń qurylysqa baqylaýdy kúsheıtý jónindegi tapsyrmasy aıasynda ótken jyldyń basynan beri 62 qurylys nysany, onyń ishinde «Mechta», «KHAN», «Alma Garden» turǵyn úı keshenderi jáne basqalary tolyǵymen nemese ishinara buzyldy.