QR aýyl sharýashylyǵy vıse-mınıstri Azat Sultanov Úkimet otyrysynda bıylǵy 11 aıda aýyl sharýashylyǵynyń jalpy óniminiń kólemi 11,6% jyldyq josparmen 13,4%-ǵa artyp, 7,8 trln teńgeni quraǵanyn málim etti, dep habarlaıdy aqshamnews.kz
Ol bul ósim ósimdik sharýashylyǵyndaǵy óndiris kólemin 19,9%-ǵa, mal sharýashylyǵynda 3,2%-ǵa ulǵaıtý esebinen qamtamasyz etilgenin atap ótti.
«Ósimdik sharýashylyǵynda ortasha ónimdiligi 16,1 s/ga 26,7 mln tonna astyq, onyń ishinde bıdaı – 19,8 mln tonna, kúrish – 563 myń tonna. Sondaı-aq 2,9 mln tonna kartop, 3,9 mln tonna kókónis, 3,2 mln tonna maıly daqyldar jáne 300 myń tonna maqta jınaldy. Mal sharýashylyǵynda soıys salmaqtaǵy et óndirisiniń 4%-ǵa, sıyr sútiniń 4,4%-ǵa jáne taýyq jumyrtqasynyń 1,2%-ǵa ósýi baıqaldy», — dep naqtylady Azat Sultanov.