Qazaqstan jasóspirimder quramasy úshinshi oryn úshin básekede Taılandpen synǵa tústi
Qazaqstan jasóspirimder quramasy 14 jasqa deıingi tenısshiler arasynda tuńǵysh ret álem chempıonatyna joldama aldy, dep habarlaıdy Almaty-akshamy.kz QazAqparatqa silteme jasap.
Qazaqstan tenıs federasıasy málim etkenindeı, Úndistannyń Nú-Delı qalasynda ótken Azıa/Tynyq muhıt aımaǵy irikteý týrnırinde qazaqstandyqtar úshinshi orynǵa ıe boldy.
Qazaqstan jasóspirimder quramasy úshinshi oryn úshin básekede Taılandpen synǵa tústi.
Birinshi unaıdy Damır Jalǵasbaı áperdi. Jas qazaqstandyq tenısshi birinshi partıada 2:6 esebimen ese jiberdi.
Esesine ekinshi sette 1:4 esebimen jeńilip jatyp, tarazy basyn ózine aýdara bildi.
Úshinshi, sheshýshi partıada esep 3:5 bolǵan mezette taılandtyq tenısshiniń eki machbolyn paıdalanýyna múmkindik bergen joq. Sosyn taǵy bir breık jasap, jeńisti julyp aldy - 7:5.
Budan keıin Zańǵar Nurlanuly qarsylasyn 6:2, 6:1 esebimen tize búktirdi.
Esep 2:0, Qazaqstannyń paıdasynda.
Osylaısha, Qazaqstan jasóspirimder quramasy alǵash ret bıyl kúzde ótetin álem chempıonatynyń fınaldyq kezeńine qatysady.
«Team Kazakhstan» akademıasynyń dırektory Tımýr Aqqazıev 14 jasqa deıingiler arasyndaǵy qurama kapıtany Sergeı Kvaktyń óz shákirtterin tájirıbesimen jeńiske jeteleı bilgendigin atap ótti.
Eske sala keteıik, budan buryn qazaqstandyq tenısshilerdiń Shymkent týrnıriniń fınalyna shyqqanyn jazǵan bolatynbyz.