Apat bolǵan jerde túsirilgen vıdeo áleýmettik jelilerde tarap jatyr
Aqtaýda patrúldik kólik júrgizýshisi jol apatyna ushyrady. Bir adam aýrýhanaǵa jatqyzyldy, - dep habarlaıdy Almaty-akshamy.kz Mańǵystaý oblystyq polısıa departamentiniń baspasóz qyzmetine silteme jasap.
"30 sáýirde túngi saǵat 02.30-da Aqtaýdaǵy 5, 6, 7 jáne 8-shi shaǵynaýdandardyń qıylysynda patrúldik avtomobıl men Hyundai Accent markaly avtokóligi qatysqan jol-kólik oqıǵasy boldy. Apat saldarynan eki adam oblystyq aýrýhanaǵa jetkizildi. Olardyń biri medısınalyq kómek kórsetilgennen keıin úıine jiberildi, ekinshisi aýrýhanaǵa jatqyzyldy", - dep habarlady departament ókilderi.
Apat bolǵan jerde túsirilgen vıdeo áleýmettik jelilerde tarap jatyr.
Atalǵan derek boıynsha qylmystyq kodekstiń 345-baby "Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy" boıynsha sotqa deıingi tergeý bastaldy. Avtotehnıkalyq saraptama taǵaıyndaldy.