Bul shekten asqandar 30 paıyz qosymsha aqy tóleýge mindetti bolady, dep habarlaıdy aqshamnews.kz
Mınıstrlik bekitken normaǵa sáıkes, ár adamǵa bir kúnde 140 lıtr sý beriledi. Bul shekten asqandar qosymsha aqy tóleýge mindetti bolady. Sheneýnikterdiń aıtýynsha, mundaı shara sýdy únemdeýge baǵyttalǵan.
Turǵyn úı-kommýnaldyq sharýashylyq isteri komıteti tóraǵasynyń orynbasary Nursultan Kerimqulovtyń sózinshe, buǵan deıin óńirlerde sý tarıfi ártúrli eseptelgen. Memleket jergilikti júıelerdi sýbsıdıalap kelgendikten, búdjetke qosymsha aýyrtpalyq túsken.
— Qazirgi tańda bir adamǵa táýligine 140 lıtr tolyq jetkilikti dep esepteımiz, — dedi ol.
Ekonomıs Saparbaı Jobaev jańa norma kópshilikke aýyr tımeıtinin aıtady. Onyń pikirinshe, qazaqstandyqtardyń ortasha táýliktik shyǵyny 100–120 lıtrdiń shamasynda.
— Bul ózgeris halyqtyń qaltasyn qaqpaıdy. Biraq sýdy únemdeýge yntalandyrady. Artyq jumsaıtyndar úshin tártip ornatady, — dedi ol Informbúro31-ge.
Jańa ereje 13 qyrkúıekten bastap qoldanysqa engiziledi. Osy kúnnen bastap ár lıtr sý esepke alynyp, artyq paıdalanǵan jaǵdaıda azamattar qosymsha tólem jasaıdy. Úkimet halyqty ysyrapshyldyqtan arylyp, tirshilik nárin únemdeýge shaqyryp otyr.