Monıtorıng kezínde zeınetaqy men járdemaqy alyp júrgen 100 myń 103 adamnyń tūrǵylyqty mekenjaıy boıynsha tírkelmegení anyqtalǵan, dep habarlaıdy aqshamnews.kz
Qazaqstanda tūrǵylyqty tírkeuí joq azamattarǵa zeınetaqy men járdemaqyny tóleu toqtatyluy múmkín. Eńbek jáne halyqty áleumettík qorǵau mınıstrlígí «Áleumettík kodekske míndettí áleumettík saqtandyru jáne áleumettík qamsyzdandyru máselelerí boıynsha ózgeríster men tolyqtyrular engízu turaly» zań jobasyna qatysty retteushí sayasattyń konsultatıvtík qūjatyn ázírledí.
Áleumettík kodekske sáıkes, el aumaǵynda tūraqty tūratyn Qazaqstan azamattaryna, qandastarǵa jáne sheteldíkterge zeınetaqy men járdemaqy tólenedí. Alaıda monıtorıng kezínde zeınetaqy men járdemaqy alyp júrgen 100 myń 103 adamnyń tūrǵylyqty mekenjaıy boıynsha tírkelmegení anyqtalǵan. Al 28 myńnan astam adamnyń uaqytsha tírkeuí ǵana bar.
Osyǵan baılanysty mınıstrlík memlekettík organdardyń aqparattyq bazasynda tūrǵylyqty mekenjaıy boıynsha tírkeuí joq azamattarǵa zeınetaqy men járdemaqyny tóleudí uaqytsha toqtata tūrudy ūsynyp otyr. Vedomstvo būl shara byudjet qarajatyn únemdeuge oń áser etedí dep sanaıdy.
Sonymen qatar Eńbek mınıstrlígí arnaıy áleumettík qyzmetter kórsetu ortalyqtarynda, mysaly qarttar úıínde tūratyn jáne túrmede otyrǵan adamdardyń zeınetaqysy men járdemaqy tólemín uaqytsha toqtatudy josparlap otyr. Óıtkení memleket olardy asyrauǵa onsyz da kóp aqsha jūmsaıdy, onyń ústíne zeınetaqysy men járdemaqysyn tóleıdí. Al būl memlekettíń byudjetíne auyr salmaq salady deıdí vedomstvo.
Mınıstrlík osy normalardy ūsynar aldynda halyqaralyq tájírıbení zerttegen.
Qūjat «Ashyq NQA» portalynda jarıyalanǵan.