«Táýelsizdik taǵylymy» - mańyzdy maqala
Qazaqstan Respýblıkasy Tuńǵysh Prezıdenti, Elbasy Nursultan Ábishuly Nazarbaevtyń «Táýelsizdik taǵylymy» atty maqalasy jaryqqa shyqty. Atalmysh maqalamen men de tanysyp, muqıat oqyp shyqtym.
Elbasy Táýelsizdiktiń máni men mańyzdylyǵyn, halqymyzdyń ótken kúrdeli jolyn, qoǵamymyzdyń qalyptasýy men ekonomıkanyń jańa arnaǵa bet burýyn, halyqaralyq saıasattaǵy ornamyz jaıly keńinen tarqatyp aıtty.
Táýelsizdik jyldarynda jetken aıtýly jetistikterimizdiń birlesken ortaq eńbekpen, ulystar arasyndaǵy aýyzbirshilikpen jáne ár qazaqstandyqtyń úlesimen júzege asqandyǵyna da toqtaldy.
Nursultan Ábishuly qabyldanǵan kúrdeli sheshimderdi, oryn alǵan strategıalyq suraqtardyń jyldam jáne salmaqty tujyrymmen qabyldanǵandyǵyn, oǵan óziniń qosqan úlesi jáne táýelsizdik jyldarynda el úshin atqarǵan aıtýly eńbekteri, batyl ári oń qadamdary týraly jan-jaqty málimdedi. Osymen qatar, Elbasy óziniń kópshilik aldynda sóılegen sózinde keıbir máselelerdiń astarynda úlken saıasat jatqandyǵyn aıqyn ańǵaryp, oǵan qatysty oıyn ashyq jetkizip, batyl qadamdar jasaǵandyǵyn da aıtyp ótti. Bul óz kezeginde elimizdiń derbes memleket bolyp qalyptasýynda mańyzdy rólge ıe ekendigi anyq.
Biraq, Elbasy el egemendigine, týǵan halqynyń ómirine qatysty barlyq túıindi máselelerdi tek óz yqpalymen ǵana tarqattym dep masattanǵan joq. Ol eń áýeli tarıhty tereńinen qozǵap, táýelsizdik jolynda bizdiń ata-babalarymyzdyń eńbegi eren, róli basym ekendigin erekshe atap ótti. Bul birinshi kezekte Elbasynyń kóregendigin ańǵartady. Ekinshiden, onyń osyndaı ómir joly óskeleń urpaq úshin ónege ekendigin uǵynýymyz qajet. Elbasynyń bastaǵan salıqaly saıasaty búginde jalǵasyn taýyp, Qazaqstan tańdaǵan jolyn júıeli túrde jalǵastyryp keledi.
Sondyqtan, «Táýelsizdik taǵylymy» maqalasy óskeleń urpaqty bilimge, parasattylyqqa, batyldyqqa, tarıhymyzdy bilip, ótkennen sabaq alýǵa jáne kemel keleshegimizge nyq qadam basýǵa shaqyratyn mańyzdy maqala dep bilemin.