Elbasy Nursultan Ábishuly Nazarbaevtyń «Táýelsizdik taǵylymy» maqalasy jaryq kórdi. Elbasymyz maqalada Qazaqstannyń el bolýyna kedergi bolǵan, osyǵan deıin aıtylmaı kelgen jaıttardy jazǵan eken.
Qazaq halqy zamannyń ár kezeńinde san túrli tar jol, taıǵaq keshýlerden ótti. Soǵysty da, ashtyqty da kórdik. Sonyń barlyǵyn eńserip, tarıh tósinde Qazaqstan degen táýelsiz eldi ornyqtyrý bizge ońaı bolǵan joq.
Ata-babalarymyzdyń qanymen, azattyqty ańsaǵan halyqtyń zarymen kelgen Táýelsizdik - basty qundylyǵymyz. Elbasymyz da ár sózinde Táýelsizdiktiń qadirin basa aıtyp otyr. Bul maqala úlken kitapqa arqaý bolatyn oqıǵalarǵa toly.
Otyz jylda júrip ótken jolymyz bir maqalaǵa syımasy anyq. 90-jyldardaǵy aýmaly-ókpeli kezeń, halyqtyń alańdaýly kóńil-kúıi, bulyńǵyr bolashaq, Elbasy atap ótkendeı halyqtyń 40 paıyzy ǵana qazaq ultynan quralyp, tilimiz baılaýly, ekonomıkamyz múshkil ýaqytty da júrip óttik.
Búgingi kúni Allaǵa sansyz shúkir, qazaqtyń tańy baıandy, zamanymyz tynysh, san ult bir shańyraq astynda tatý qoǵamda ómir súrýdemiz. Bul Táýelsizdiktiń jetistigi.
Elbasynyń maqalasynda úlken tarıh, taǵylymdy oılar men bolashaqqa úndeý jatyr. Maqalanyń memlekettik mańyzy joǵary. Sondyqtan, árqaısymyz oqýymyz kerek.
Ótkennen taǵylym alyp, kemel bolashaqqa erkin qadam basyp kelemiz. Elbasynyń sózimen aıtsam, «Táýelsizdik te baqyt sıaqty, baǵalaǵan adamnyń, aıalaǵan qoǵamnyń qolyna turaqtaıdy. Halqy tatý, ekonomıkasy qýatty, saıası júıesi turaqty, mártebesi bıik, abyroıy asqaq Qazaqstannyń bolashaǵy keshegiden kemel, búgingiden nurly ekendigine kámil senemin».
Qaragóz Súleımenova,
Nur Otan partıasy Almaty qalalyq fılıaly janyndaǵy «Mıras» qoǵamdyq keńesiniń tóraıymy