Soltústik Qazaqstanda «qara bazardan» iri kólemde tárkilengen spırt kádege jaratylady dep habarlaıdy almaty-akshamy.kz
Oblystyq memlekettik múlik jáne jekeshelendirý departamentiniń sheshimimen 46 myń lıtrge jýyq ónim qalalyq aýrýhanalardyń birine tegin berildi. Endi odan antıseptık pen dezınfeksıa quraldary jasalady. Qoımada turǵan spırttiń barlyǵy bir jarym aı buryn kóleńkeli bıznespen aınalyspaq bolǵan kásipkerden tárkilendi. Jalpy somasy 82 mıllıon teńgege baǵalanyp otyr. Taýarǵa birden saraptama jasalyp, onyń sapasy tekserildi.
- Bul ónim qyrkúıek aıynda tárkilendi. Sapasy jaqsy bolǵandyqtan arnaıy komısıa ony joıyp jibergenshe kádege jaratý kerek degen sheshim qabyldady. Keıin ol aýksıonǵa shyǵaryldy. Eń alǵash bolyp qaladaǵy aýrýhanalardyń biri ótinish berdi. Basty talap olar muny tehnıkalyq maqsatqa paıdalanýy qajet - deıdi oblystyq memlekettik múlik jáne jekeshelendirý departamentiniń bólim basshysy Dýlat Qojanov