QR Premer-Mınıstriniń orynbasary Tamara Dúısenova Astanadaǵy №101 orta mekteptegi alǵashqy qońyraý sharasyna qatysty, dep habarlaıdy aqshamnews.kz.
Bilim oshaǵy Memleket basshysynyń tapsyrmasy boıynsha «Jaıly mektep» ulttyq jobasy aıasynda bıyl boı kóterip, qoldanysqa engizilip otyr.
Vıse-premer ǵımaratty turǵyzýǵa kúsh salǵan qurylysshylarǵa alǵysyn bildirdi. Munda 4 myńnan asa bala eki aýysymda bilim alatyn bolady. Esildiń sol jaǵalaýynda ornalasqan bilim oshaǵynda 99 oqý kabıneti qarastyrylǵan, onyń ishinde 6-aýy kompúterlik, 10 mamandandyrylǵan synyp.
Odan bólek, ǵımaratta 4 sport zaly, asqana, kitaphana, psıholog bólmesi de bar. Synyptarda ınteraktıvti taqtalar ornatylǵan. Alǵashqy oqý maýsymyna aıaq basqan mektepti aralaǵan Tamara Dúısenova ustazdarǵa sáttilik tiledi.