Eńbek jáne halyqty áleýmettik qorǵaý mınıstrligi Shyǵys Qazaqstan shahtasyndaǵy toptyq jazataıym oqıǵanyń sebepterin tekserý úshin arnaıy komısıa qurdy, dep habarlaıdy aqshamnews.kz.
Mınıstrlik Shyǵys Qazaqstan oblysynyń kenishindegi 4 adam qaza tapqan toptyq jazataıym oqıǵany tekserý úshin arnaıy komısıa qurdy. Komısıany Shyǵys Qazaqstan oblysynyń bas memlekettik eńbek ınspektory Batyrbek Qızatov basqarady. Onyń quramyna TJM Ónerkásiptik qaýipsizdik komıteti men DSM Sanıtarlyq-epıdemıologıalyq baqylaý komıtetiniń aýmaqtyq departamentteriniń, jumys berýshiler men jumyskerlerdiń ókilderi kirdi, dep málimdedi vedomstvo.
Eńbek mınıstrligi ujymy qaza bolǵandardyń týystary men jaqyndaryna qaıǵyryp kóńil aıtady, – deıdi baspasóz qyzmeti.
Jazataıym oqıǵa osy jyldyń 31 tamyzynda bolǵan. Saǵat 16.25-te Shyǵys Qazaqstan oblysy Altaı kentinde, «Vostoksvetmet» JSHS Ertis kenishiniń «Ertis» shahtasynda aýysym kezinde belgisiz zatpen ýlaný belgileri bar 4 jumyskerdiń denesi tabyldy.
«Vostoksvetmet» JSHS eki qyzmetkeri:
- uńǵymashy A.B.Baqytov, 1894 j.t.;
- uńǵymashy A.B.Keńesbaev, 1989 j.t.
«Shahtstroı Injınırıń» JSHS merdiger uıymynyń eki qyzmetkeri:
- uńǵymashy A.T.Jaırǵazın, 1978 j.t.;
- uńǵymashy A.K.Qusaıynov, 1983 j.t.
Keıin taǵy bir oqys oqıǵa tirkeldi.
Komısıa jazataıym oqıǵalardyń sebepterin anyqtaıdy.