Alataý aýdanynda jańa “NurOrda” mektebi ashyldy, dep habarlaıdy aqshamnews.kz.
Bilim ordasynyń ashylý saltanatyna Almaty ákiminiń orynbasary Azamat Qaldybekov, qazaqstandyq ǵalym fızıka-matematıka ǵylymdarynyń doktory Asqar Jumadildaev, mektep ustazdary, oqýshylar men ata-analar qatysty.
- Byltyr Alataý aýdanynda 10,5 myń balaǵa arnalǵan jańa 5 mektep ashyldy. Osy jyly Prezıdentimiz Qasym-Jomart Toqaev bastaǵan “Jaıly mektep” Ulttyq jobasy aıasynda 6 mekteptiń qurylysy júrip jatyr. Odan bólek qalalyq ákimshilik “Saıaly” jáne “Zerdeli” yqsham aýdandarynda 2 mekteptiń qurylysyn júrgizip jatyr. Jalpy aýdandaǵy oryn tapshylyǵy máselesi bıyl tolyǵymen sheshiledi. Búgin sizderdi qala ákimi Erbolat Dosaevtyń atynan quttyqtaı otyryp, ákimshilik osy mekteptiń aýlasyna abattandyrý jumystaryn óz moınyna alatynyn habarlaımyn, - dedi Azamat Qaldybekov.
“NurOrda” mektebiniń dırektory Mehmet Jelal Jan bilim ordasynda 500-den astam bala bilim alatynyn atap ótti.
- “NurOrda” mektep-lıseıi bıyl ashylyp jatyr. Negizi 800 oqýshyǵa arnalǵan, biraq qazirgi tańda 1-10 synyptar aralyǵyndaǵy 525 oqýshy bilim alǵaly otyr. Oqýshylarǵa saǵat 8:30-dan 17:30-ǵa deıin qaraýymyzda bolady. Kúnine úsh mezgil balalar osynda tamaqtanady. Bizde 20-ǵa jýyq úıirmelerimiz bar, - dedi ol.
