️Talǵarda tabıǵı sıpattaǵy tótenshe jaǵdaı jarıalandy, - dep habarlaıdy almaty-akshamy.kz.
Almaty oblysynyń Talǵar aýdanynda búginnen bastap tabıǵı sıpattaǵy tótenshe jaǵdaı rejımi engizildi. Qaýipsizdik maqsatynda İle-Alataý ulttyq tabıǵı parkiniń aýmaǵyna barýǵa shekteý qoıyldy. Tabıǵattyń tosyn minezinen almatylyqtar da ábigerge túsip otyr. Máselen, kesheden beri tolassyz jaýǵan jaýynnan Kókqaınar yqsham aýdany turǵyndarynan maza qashqan. Sebebi jer úılerdiń mańynan ótetin shaǵyn ózen arnasynan asyp, baspanalardyń ishine deıin kirip ketken.
Kókqaınarlyqtardyń aıtýynsha, máseleni aýdan, qala ákimi, tipti Májilis depýtattary da biledi. Alaıda eki jyldan assa da eshkim máseleni sheshýge asyǵar emes. Sonyń kesirinen, turǵyndar úıge jóndeý jumystaryn júrgizýden qorqyp qalǵan.
"Negizi 16 sáýirde sý aldy bul úıdi. Keptire salyp úıge remont jasaı bastaǵanbyz. Mamyrdyń 16-sy kúni úıdi qaıtadan sý aldy. Sonymen toqtatyp qoıdyq. Qalaı jaýyn bolady myna jerdiń barlyǵy úıdiń anaý terezeniń astyna deıin sý lyq tolady. TJM oıbaılap jatasyń 1-1,5 saǵat degende bir eki mashına bóledi. Olar ózenniń janyndaǵy úılerdi tarta bastaıdy. Myna jerge kelmeıdi", - dedi Kókqaınar yqsham aýdanynyń turǵyny Raıhan Sarybaev.