Almatyda túngi ýaqytta ishimdik satqan dúken ıelerine aıyppul salyndy, – dep habarlaıdy almaty-akshamy.kz
Almaty polıseıleri ótken demalys kúnderi shahardyń ortalyq bóliginde is-shara ótkizdi.
– Ótken demalys kúnderi barlar, kafeler, klýbtarǵa, sondaı-aq keshki saǵat 21.00-den keıin alkogóldik ónimder satatyn azyq-túlik dúkenderine tekserý júrgizildi. Nátıjesinde 37 adam QR ÁQBtK-niń 441-baby boıynsha jaýapkershilikke tartyldy. Sonymen qatar 9 shaǵyn dúken ákimshiligine túngi ýaqytta alkogóldik ishimdikterdi satqany úshin aıyppul salyndy. Reıdtik is-sharalar josparyn jasaý kezinde qala turǵyndarynyń dabyldary eskerilip, kórsetilgen aýmaqtar boıynsha qandaı da bir quqyq buzýshylyqtardyń jasalýyna taldaý júrgizildi. Jergilikti is-sharalar, ásirese demalys jáne mereke kúnderi turaqty túrde ótkiziletin bolady, – deıdi Medeý aýdandyq polısıa basqarmasynyń basshysy İlıas Ómirserikov.
Sondaı-aq Ómirserikov qalanyń barlyq jerinde jergilikti is-shara júrgizilip jatqanyn atap ótti. Jalpy, qala boıynsha qoǵamdyq oryndarda kalán shegýdiń 120-dan astam deregi anyqtaldy.