Bıyl 2 myń shaqyrymnan astam 11 jol ýchaskesine aqy alýdy engizý josparlanyp otyr. Bul týraly búgin Úkimet otyrysynda aıtyldy, dep habarlaıdy almaty-akshamy.kz.
«Qazaqstandaǵy aqyly joldardyń tarıfi basqa eldermen salystyrǵanda aıtarlyqtaı tómen. Osyǵan baılanysty kútip ustaýǵa jumsalatyn shyǵyndardy tolyq óteý úshin qoldanystaǵy tarıfti 20 paıyzǵa ósirý máselesi pysyqtalyp jatyr», - dedi Kólik mınıstri Marat Qarabaev.
Ótken jyldyń qorytyndysy boıynsha bul joldardan 30 mlrd teńge jınaldy. Ol qarajat joldy kútip ustaýǵa, aǵymdaǵy jóndeýge jáne tehnıka satyp alýǵa jumsaldy.