Almatyda jolaýshylar avtobýsy jol-kólik oqıǵasyna tap boldy. Kýágerlerdiń oqıǵa ornynda túsirgen vıdeosy jelide jarıalandy, dep habarlaıdy almaty-akshamy.kz.
Áleýmettik jelide taraǵan vıdeoǵa qaraǵanda Almatynyń Shalápın jáne Áshimov kóshesi qıylysy tusynda bolǵany habarlandy. Jol-kólik oqıǵasy týraly Almaty qalalyq polısıa departamentiniń ókilderi túsinik berdi.
"Bul jol-kólik oqıǵasy Naýryzbaı aýdanynda saǵat 09:15-te bolǵan. Júk kóliginiń júrgizýshisi Áshimov kóshesiniń boıymen soltústik baǵytta kele jatyp, aıaldamada turǵan avtobýsqa soǵylǵan", - delingen habarlamada.
Avtobýs júrgizýshisi róldi basqara almaı, joldyń jıegine shyǵyp ketken. Keıbir aqparat kózderi 11 adam zardap shekkenin jazýda, Qaza tapqandar joq.
Eske sala keteıik, buǵan deıin Almatydaǵy avtobýs apatynan bir adam qaza tapqany týraly jazǵan bolatynbyz.