Tashkent qalasynda erler arasynda ótip jatqan bokstan álem chempıonatynda ózbekstandyq Rýslan Abdýllaev júldege ilikti.
Qazaq jigiti 63,5 kelige deıingi salmaqta fransıalyq Lýnes Amraýımen sheberlik baıqasty, dep habarlaıdy Almaty-akshamy.kz.
Jekpe-jek qorytyndysynda tóreshilerdiń tórteýi jeńisti Rýslan Abdýllaevqa berdi.
Osylaısha, jartylaı fınalǵa ótken Rýslan Abdýllaev keminde qola medal alady.
Ol fınalǵa shyǵý úshin olımpıada men álem chempıonatynyń qola júldegeri, armenıalyq Oganes Bachkovpen talasady.
Budan úsh-tórt jyl buryn Rýslan Abdýllaev Qazaqstanǵa kelip, el quramasyna iligýdi maqsat etkenimen, ol oıy oryndalmaı, Ózbekstanǵa qaıtyp ketken edi.
Osy chempıonatta Ózbekstannan Hasanboı Dýsmatov (51 kg) pen Abdýmalık Halokov (57 kg) jartylaı fınalǵa ótti.