Oǵan qalada bolǵan órt sebep bolyp otyr.
Bul týraly qalalyq ákimdik ókilderi málimdedi. Esterińizge sala keteıik, jetinshi mamyr kúni «Bereke» yqsham aýdanynda qamys órtenip, tilsiz jaý jeke sektorǵa jaıylǵan edi. Saldarynan toǵyz baspana tolyǵymen janyp ketti, dep habarlaıdy Almaty-akshamy.kz 24.kz-ke silteme jasap.
Taǵy ekeýi qazir turýǵa jaramsyz. Sondyqtan búginde on bir otbasynyń jeteýi ýaqytsha baspanalarǵa jaıǵasty. Qalǵan tórt januıa ázir týǵan-týystaryn panalaýǵa májbúr. Munymen qosa zardap shekken baspana ıelerine 100 AEK kóleminde materıaldyq ótemaqy tólenetin bolady. Al tótenshe jaǵdaı jarıalanǵan soń, arnaıy mamandar barlyq shyǵyndy esepteıtin bolady.
«Ashyq úkimettik emes uıymdardyń saıtynda tótenshe jaǵdaıdy engizý boıynsha joba engizildi. Qazir ol onlaın qaralyp jatyr. Qaralǵannan keıin ádilet departamentine jiberiledi. Tirkelgennen keıin tótensha jaǵdaı jarıalanatyn bolady. Tótenshe jaǵdaı bizge osy zardap shekken turǵyndarǵa barynsha materıaldyq kómekti zań aıasynda kórsetýi qajet», - deıdi Petropavl qalasy ákiminiń baspasóz hatshysy Elmıra Sádýaqasova.