Ol barsha qyz-kelinshekterdi 8 naýryz – Halyqaralyq áıelder kúnimen quttyqtady
Ánshi, QR eńbek sińirgen qaıratkeri Svetlana Aıtbaeva árbir balanyń ónerge áýes bolyp óskeni tek jaqsylyq alyp keletinin aıta kele, názik jandylarymyzdy 8 naýryz – Halyqaralyq áıelder kúnimen quttyqtady, dep habarlaıdy Almaty-akshamy.kz elorda ákimdiginiń resmı saıtyna silteme jasap.
«Men 23 jylǵa jýyq mádenıet salasynda qyzmet etip kelemin. Óz mamandyǵymdy jan-dúnıeńdi keremet áserge, ádemilikke bóleıtin mádenıetpen baılanystyrǵanyma qýanamyn. Menińshe árbir balanyń ánge, kúıge, ónerge áýes bolyp óskeni tek jaqsylyq ákeletin sıaqty. Ómirdegi eń úlken jetistigim – mamandyǵym, otbasym, balalarym dep sanaımyn. Sondyqtan ár anaǵa, árbir janǵa dál osyndaı baqyttyń eselenip buıyrýyn tileımin!», - dedi ánshi, QR eńbek sińirgen qaıratkeri Svetlana Aıtbaeva.
Ol kóktemniń shýaqty merekesinde qyz-kelinshekterge arnaǵan ystyq lebizin bylaısha jetkizdi:
«Barlyq analardy, kóktemdeı qulpyrǵan qyzdardy, arýlarymyzdy eń ádemi mereke – áıelder kúnimen shyn júrekten quttyqtaımyn! Denderińizge saýlyq, otbasylaryńyzǵa amandyq tileımin! Balalaryńyzdyń tek qana qyzyq-qýanyshyna bólenip, elimizdiń maqtan tutar azamattaryn tárbıelep, solardyń jetistikterine marqaıyp, júz jasańyzdar! Elimiz aman, jurtymyz tynysh bolsyn! Ol úshin árbir ananyń kóńili alańsyz, túni tynysh, kúni shýaqty bolsyn!